MATTHAI 26:55 - Pathien Lekhabu Inthieng (BSI)

⁵⁵ Chu lai chun, Isûn mipuihai kuoma chun, “Kâwlhnâmhai, hem- bâwkhai châwiin suomhmang man ding ang elin a mi man dingin in hung suok a ni maw? Pathien biekinah ni tin inchûktirin ka ṭhung hlak a, in mi man si nawh a.

MATTHAI 26:55 ပူးပေါင်းရင်းမြစ်များ

MATTHAI 21:23

Chun, Pathien biekina a lût hnunga ân chûktir lai chun, thiempu lalhai le vântlâng upahai chu a kuomah an hung a, “Tu thuin am hieng thil hi i thaw a? Tuin am thu a pêk cheh a?” an ta.

MATTHAI 26:47

Chun, a la hril lai zingin Juda, sâwmpahni hai laia mi pakhat chu, a hung tlung tah a, ama ruol chun thiempu lalhai le upahai kuoma inthawkin mipui nasatak, kâwlhnâm le hembâwk chawiin an hung tlung bawk a.

MARKA 10:1

Chun, a tho a, chutaka inthawk chu Judai ram le Jordan râlah a fe tah a; chun, mi- puihai chu a kuomah an hung inkhâwm nâwk a, chuongchun, a thaw dân ta ang rawpin a lo inchûktir nâwk a.

MARKA 12:35

Chun, Isûn Pathien biekina ân chûktir laiin an kuomah, “Krista chu David naupa a nih ti Dân inchûk- tirtuhaiin iengti ziea hril hlak am an nih a?

LUKA 19:47

Chun, ni tin Pathien biekina chun ân chûktir hlak a. Chun, thiempu lalhai le Dân inchûktirtuhai leh, vântlâng laia hotu deuhaiin, ama sukbohmang an tum a;

LUKA 20:1

Chun, ni khat chu, Pathien biekina mihai ân chûktir a, Chanchin Ṭha a hril laiin, thiempu lalhai le Dân inchûktirtuhai chu, upahai leh a kuomah an hung thut a;

LUKA 4:20

Chun, lekhabu chu a ziel a, rawngbâwltu a pêk nâwk a, a ṭhung tah a. Chun, inkhâwmna ina mi po po mit chu ama chungah a fuh a.

JOHAN 7:14

Chun, ruoiṭhe ṭhat lai takin, Isu Pathien biekinah a hang feh a, ân chûktir a.

JOHAN 7:28

Chuong lei chun Isûn Pathien biekina ân chûktir malamin a khêk a, “Nangnîn in mi hriet, ka piengna chin khawm in hriet deh. Nisienlakhawm mâni thua hung ka ni nawh, a mi tirtu hi mi tak zet a nih, ama chu in hriet si nawh.

JOHAN 8:2

Chun, zingkâr inhmatakin Pathien biekinah a lût nâwk a, mi po po a kuomah an hung a; chun, ama chu a ṭhung a, anni ân chûktir a.

JOHAN 8:20

Chuong thu chu Pathien biekinah inchûktir malamin, thaw- lâwm siena hmunah a hril a; tukhawmin ama an man si nawh, a hun a la tlung naw leiin.