MATTHAI 26:31 - Pathien Lekhabu Inthieng (BSI)

³¹ Chun, Isûn an kuomah, “Vawizân hin in rêngin ka chung- thuah lungnilovin um vawng in tih, ‘Berâm vêngtu chu vuong ka ta, berâm ruol chu indar an tih,’ ti ziek a ni sih a.

MATTHAI 26:31 ပူးပေါင်းရင်းမြစ်များ

INPÂKNA HLABU 38:11

Mi hmangaituhai le ka ruolhai chu ka hri invawia inthawk hin an insiekieng hlak a, Ka laibunghai khawm hlatakah an ngîr hlak.

INPÂKNA HLABU 69:20

Mi mi hrilsietna hin lungriem- in a mi thlâk a, nasatakin ka lungngai bawk a, Chuongchun, a mi lunginsiettu ding ka zawng a; nisienlakhawm, tukhawm an um si nawh; A mi thlamuontu dinghai ka zawng a; nisienlakhawm, tukhawm ka hmu si nawh.

INPÂKNA HLABU 88:18

A mi hmangaitu le ka ruol chu a mi hlatah în umtir tah a, Ka hmêlhriethai chu inthimah în umtir ta bawk a.

ISAI 53:10

Nisienlakhawm, LALPAIN ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, LALPA dit zâwng chu a kuta hlawtlingin um a tih.

ṬAP HLA 1:19

Ka hmangaituhai chu ka hei ko a, nisienlakhawm, an mi hlêm a, Ka thiempuhai le ka upahai chu khawpuia chun an bohmang tah a, An hringnahai sukhrât dinga bu an zawng lai chun.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai LALPA chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

MATTHAI 11:6

Chun, tukhawm ka chunga lungninawna hmu naw chu, a hamṭha,” tiin a lo dawn a.

MATTHAI 26:24

Mihriem Naupa hi a chanchin an ziek angtak khan a fe ding a nih, nisienlakhawm, Mihriem Naupa inman- tirtu ding mipa chung chu a rik! chu mihriem chu insieng naw sien la, a ta dingin ṭha lem a tih,” tiin a dawn a.

MATTHAI 26:56

Nisienlakhawm, zâwlnei lekha thuhai a tlung theina dingin hieng po po hi a hung tlung tah a ni hi,” a ta. Chu lai chun, inchûktirhai po po chun ama an thlathlam a, an tlân hmang ta vawng a.

JOHAN 16:32

Ngai ro, a hun a tlung ding a ni tah, anih, a tlung zing tah, chu pha chun, mâni in sengah indar vawng in tih, keia khât chauin mi thlâthlam in tih; nisienlakhawm, Pa ka kuoma a um leiin makhât chauin ka um si nawh.