MATTHAI 26:29 - Pathien Lekhabu Inthieng (BSI)

²⁹ Nisienlakhawm, ka hril cheu hi, ka Pa rama nangni le a thar ka dâwn ni a tlung hmakhat chun tuta inthawkin grêp hrui raa hi dâwn nâwk ta naw ning,” a ta.

MATTHAI 26:29 ပူးပေါင်းရင်းမြစ်များ

INPÂKNA HLABU 104:15

Mihriem lungril suklâwmna uoin leh, A hmai suktlawrna ding hriek leh, Mihriem lungril sukhrâtna bei leh.

INPÂKNA HLABU 4:7

Ka lungrila chun lâwmna i sie tah a, An bu le an uoin hung hlâwk chânga lâwmna an nei nêka nasa lem chu.

INPÂKNA HLABU 40:3

Hla thar ka bauah a sie ta bawk a, ei Pathien inpâkna chu: Mi tamtakin chuong chu hmûng an ta, ṭî bawk an ta; LALPA chu ring tâng an tih.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Nunghâk Aw ruolhai, fa ta u, Dâwn unla, dâwn ṭeu ro aw hmangaitak.

ISAI 25:6

Chun, hi tlânga hin sipaihai LALPA chun mi tinrênghai ta dingin thil thauhaiin ruoi ṭhêng a tih, uoin- hai a fe le inchie zing, thil thautakhai thlina sip, uoinhai a fe le inchie zing ṭhataka thlit fai chu.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ZEPHANIA 3:17

LALPA i Pathien thilthawthei- tak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm deh aw! bu chun tlang- vâlhai chu sukhlim a ta, uoin thar chun nunghâkhai chu sukhlim a tih.

MATTHAI 13:43

Chu pha chun, mi felhai chu an Pa rama chun nisa angin var tâng an tih. Na nei chun hre raw se.

MATTHAI 16:28

Titakzetin ka hril cheu hi, hitaka ngîr a ṭhen hi, Mihriem Naupa a rama a hung an hmu hmakhat chun, thina intem tawp lo ding an um,” a tih a.

MATTHAI 18:20

Mi pahni amanih, pathum ama- nih, ka hminga an inkhâwmna taphawta chun anni lai ka um si hlak a,” a ta.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

MATTHAI 26:28

hi hi ka thisen, suolhai ngai- damna dinga mi tamtak ta dinga suok ding, thuthlungna chu a nih

MATTHAI 26:30

Chun, hla an sak zoin an suok a, Oliv tlânga chun an fe tah a.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

MARKA 14:25

Titakzetin ka hril cheu hi, Pathien rama a thar ka dâwn ni a tlung hmâkhat chu, grêp hrui raa hi dâwn nâwk ta naw ning,” a ta.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

LUKA 15:32

Hlimtak le lâwmtaka um ding a ni hrim annâwm; hi i sang hi a thih a, a hung hring nâwk tah a; ân hmang a, ei hmu nâwk tah a ni sih a,’ a tih a,” a ta.

JOHAN 15:11

Ka lâwm nangnia a um zingna ding le, in lâwm a kimna dingin hieng thu hi in kuomah ka hril hi.

JOHAN 16:22

Chun, tuhin nangni in lung- ngai, nisienlakhawm, hmu nâwk ka ti cheu a, in lungril lâwm a tih, in lâwm chu tukhawmin lâkpêk naw ni hai cheu.

JOHAN 17:13

Nisienlakhawm, tuhin i kuom- ah ka hung ding a ni tah; khawvêlah hieng thu hi ka hril a nih, ka lâwm annia an nei kimna dingin.

THILTHAWHAI 10:41

amiruokchu, mi po po kuomah ni loin, a thu hretu ni dinga inhmaa Pathienin a ithlang tah, keini, mithi laia a thonâwk hnunga a kuoma faa dâwntuhai kuoma hin a nih.

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.

THUPUONGSUO 14:3

lalṭhungpha hmaa le, thilhring pali le upahai hmaa chun hla thar ni âwmtak hi an sak a; chun, hnuoia inthawka intlan tah, mi nuoi khat le sîng li le sâng li chau naw khan chu, tûkhawmin chu hla chu an inchûk thei nawh.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.