“Tisa hringna chu thisena chun a um sih a; in hringna intlanna siem- na dinga mâichâm chunga ka pêk cheu a nih; hringna dinga intlanna siemna chu thisen ngei chu a ni sih a.
Mihriem Naupa hi rawng- bâwlpêka um dinga hung a ni nawh a, rawngbâwl ding le mi tamtak intlan- na dinga, a hringna pe lem dinga a hung ang hin,” a ta.
Nisienlakhawm, ka hril cheu hi, ka Pa rama nangni le a thar ka dâwn ni a tlung hmakhat chun tuta inthawkin grêp hrui raa hi dâwn nâwk ta naw ning,” a ta.
Chun, bei a lâk a, lâwmthu a hril zoin, a khawi a, an kuomah a pêk a, “Hi hi ka taksa [in aia pêk chu a nih; in mi hriet zingna dingin hi hi thaw hlak ro,” a ta.
Nisienlakhawm, thilthlâwnpêk chu bawsietna leh ân ang nawh. Mi pakhat bawsietna lei hman khan mi tamtak chu an thi si chun, Pathien lunginsietna le mi pakhat Isu Krista lunginsietna leia thilpêk chu, mi tamtak chungah vurin um ngei a tih.
Mi pakhat thu awi nawna lei khan mi tamtak chu mi suol an hung ni tah; chuong ang bawkin mi pakhat thuawi lei khan mi tamtak chu mi fel hung nîng an tih.
Chuong ang bawkin, zânbu fâk zovin, no khawm chu a lâk a, “Hi hi ka thisena Thuthlung Thar chu a nih. In dâwn povin in mi hriet zingna dingin thaw hlak ro,” a ti kha.
Pathien Naupa sirde a, thu- thlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?
chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang loin vawi hninaah hung inlang nâwk a tih.
Kei chun a kuomah, “Pu, nangin i hriet annâwm,” ka ta. Ama chun ka kuomah, “Hieng hi rinum nasataka inthawka suokhai kha an nih, an puonhai Berâmte thisena sâwpin an sukvâr tah a.
Chu hnunga chun ka hang en a, chun, ngai ta, mipui nasatak tû- khawm itiem sêng naw, hnam tin laia mi dâm, chi tin laia mi dâm, mi tin laia mi dâm, ṭawng tin laia mi dâm puon vâr sila, tûm kâu chawiin, lalṭhungpha hma le Berâmte hmaa ngîr ka hmuh a;