MATTHAI 25:36 - Pathien Lekhabu Inthieng (BSI)

³⁶ saruok ka niin puon in mîn siltir a; ka damnawh a, in mi kan a, intâng inah ka umin in hung sih a,’ la tîng a tih.

MATTHAI 25:36 ပူးပေါင်းရင်းမြစ်များ

ISAI 58:7

Mâni bu mi phîngṭâmhai kuoma sem le, rimsi hnawtsuoka umhai mâni ina ṭhuoi hi ni lem lo am a nih? Mi saruok hmua puona dêng le, mâni tisa ang put mihaia inthawka inbîk- hmang naw hi ni lem lo am a nih?

EZEKIEL 18:16

mi tu chunga khawm lo suksuol ngai lo a, hninaa thutiem la ngai lo a, thawluinaa la sukse ngai lo a, ami- ruokchu, a bei chu tlasamhai kuoma peh a, saruok chu silfêna lo inkhum tah a,

EZEKIEL 18:7

tukhawm ân suksuoltir nawh a, battu kuoma chun a hnina chu ân hmutir a, thawluinain tukhawm a suksiet nawh a, mi phîngṭâmhai chu bei a lo pêk tah a, saruokhai chu silfên a lo inkhum tah a;

EZEKIEL 34:4

A hrât naw chu in sukhrât nawh a, a na khawm chu in sukdam bawk nawh a; a tliek khawm chu in tuom nawh a, khal hmanga um ta khawm chu in hung ṭhuoi nâwk bawk nawh, ân hmang khawm chu in zawng bawk nawh; amiruokchu, thawluina le, hrohrângsetakin an chungah ro in rêl a.

MATTHAI 25:37

“Chu phâ chun, mi felhai chun, ‘Lalpa, iengtik âm phîngṭâmin kan hmu che a, fâk ding kan pêk che? dangchârin kan hmu chea dâwn ding kan pêk che?

MATTHAI 25:43

mikhuol ka niin in mîn tlungtir nawh a, saruok ka niin puon in mîn siltir nawh a; damnaw le intâng ina ka umin in mi kan si nawh a,’ la tîng a tih.

LUKA 3:11

Ama chun an kuomah, “Tu- khawm zakuo pahni nei chun a nei naw kuomah pe raw se; tukhawm fâk nei chun chuong ang bawkin thaw raw se,” a ta, a dawn a.

THILTHAWHAI 20:35

Iengkim ka thaw taphawt ka thawhmu hlak cheu kha, chuonga sininrim pum le, Lalpa Isu thu hre zing pumin mi hrâtnawhai in ṭhang- pui ding a nih; ama ngeiin, ‘Iengkhat lâk nêkin pêkin lukhâwng a nei lem’, a ti kha,” a ta.

HEBRAIHAI 10:34

Kawlbunhai chu in lainat a, thil ṭha lem, um sawng bawk ding chu, mâniin in nei ti hrein, in thilneihai lâkpêka in umnaa khawm lâwmtakin in lo tuor tah a.

HEBRAIHAI 13:3

Intânghai chu anni le khuopa um ve angin hre zing unla; rinum tuorhai chu taksaa um ve bawk in ni leiin hre zing ro.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai loa in- siem hi.