MATTHAI 24:7 - Pathien Lekhabu Inthieng (BSI)

⁷ Hnam tum le hnam tum indo an ta, ram tum le ram tum indo an ta; hmun tum tumah ṭâmhai tlâng a ta, simkhawleihnuoihai inhnîng a tih.

MATTHAI 24:7 ပူးပေါင်းရင်းမြစ်များ

2 CHANCHIN SUINA 15:6

A tum tumin an insukdar vawng a, hnam chungah hnam dang, khaw- pui chungah khawpui dang; inhmêl- mâkna tinrêngin Pathienin anni chu a suklungsen tâwl sih a.

ISAI 19:2

Chun, Aigupta mihai chu Aigup- ta mi vêk thaw dingin chawktho ka ta; chuongchun, mi tinin mâni unau thawin, mi tinin mâni tuolbâwmhai thawin, indo an tih; khuo le khuo inthâwng an ta, ram le ram inthâwng an tih.

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai LALPA hremin um a tih.

EZEKIEL 14:21

Lalpa PATHIEN chun hieng hin a ti sih a; ‘Ka rorêlna natak palihai kâwlhnâm, ṭâmna, ramsa tuor- hlaumhai le hripuihai hi Jerusalem chunga, amaa inthawka ramsa mi- hriemhai râwthmang dinga ka tir pha chun ieng ang lâwma nasa zuol am a ni ding chu?

EZEKIEL 21:27

Inletling ka ta, letling ka ta, letling ka ta, hi khawm hi um ta naw nih a, a thuneitu a hung hmakhat chun; chun, ama kuoma chun pêng ka tih.

ZEKARIA 14:13

Chun, chu ni chun LALPAA inthawka buoina nasatak el chu anni lai chun um a tih; mi tinin mâni tuolbâwm kut chu chel an ta, a kut chu a tuolbâwm kut chunga chun inlet nîng a tih.

LUKA 21:11

simkhawleihnuoi nasatakin inhnîng a ta, hmun tum tumah ṭâmhai tlâng a ta, hrihai inlêng bawk a ta; vâna inthawkin thil ṭium le inchikna nasatakhai um a tih.

THILTHAWHAI 11:28

Chun, anni laia mi pakhat, a hming Agaba, a ngîr a, khawvêl po poah ṭâm nasatak a tlung ding a ni ti Thlalrau hrilin ân hriettir a; chu ṭâm chu Klaudi inlal laiin a hung tlung tah a.

THILTHAWHAI 2:19

Chun, chungtieng vânah thilmakhai, Hnuoi tieng leihnuoiah inchiknahai inhmutir ka tih: Thisen dâm, mei dâm, meikhu hu dâm,

HEBRAIHAI 12:27

Chun, “Vawi khat la sukhnîng nâwk ka tih,” ti hin thil inhnîng nawhai chu a um zing theina dingin thil hung inhnînghai chu thil siemhai ang elin sawn hmangin a um ding a nih ti ân hriettir a.

THUPUONGSUO 6:12

Chun, inchikna parukna chu a hang sût lai ka en zing a, chun, simkhawleihnuoi nasatakin a hung inhnîng a; chun, nisa chu sahmul saiip puon angin a hung dum a, thla khawm chu a pumin thisen angin a hung um tah a.

THUPUONGSUO 6:5

Chun, inchikna pathumna chu a hang sût phingleh, thilhring pathum- na chun, “Hung rawh,” a ti ka hriet a. Chuongchun, ka hang en a, chun, ngai ta, sakawr dum ka hmuh a; a chunga chuong chun bûkna a chawi a.

THUPUONGSUO 6:6

Chun, thilhring palihai laia in- thawk chun râwl âwmtak hin, “Duliin bupui tekhâwng khat, duliin buṭei tekhâwng thum, hriek le uoiin ruok chu sukse naw,” a ti ka hriet a.

THUPUONGSUO 6:8

Chuongchun, ka hang en a, chun, ngai ta, sakawr dâng ka hmuh a; a chunga chuong hming chu Thina a na; chun, Mithi Khuoin a hung zui a. Chun, kâwlhnâm dâm, ṭâm dâm, hri dâm, hnuoia sahrânghaia sukhlum dingin chuonghai kuoma chun hnuoi hmun lia ṭhea hmunkhat chunga thuneina pêk a nih.