MATTHAI 24:15 - Pathien Lekhabu Inthieng (BSI)

¹⁵ “Chuongchun, sukrêmtu tirdak- um, zâwlnei Daniel ihril kha hmun inthienga ngîra in hmu phâ chun (a tiem taphawt chun a umzie hre raw se),

MATTHAI 24:15 ပူးပေါင်းရင်းမြစ်များ

JEREMIA 44:29

Chun, hi hi in ta dinga inchikna nîng a tih, LALPA chun a tih: thil ṭha naw tienga dingin ka thu chu a dingchang ngei a nih ti in hriet theina dingin hi hmuna hin ka hrem ding cheu a nih.

EZEKIEL 40:4

Chu mi chun ka kuomah, “Mihriem naupa, i mithai khan en la, i nahai khan lo ngai bawk la, ka în hmutir dinghai che po po chunga chun i lungril sie rawh; i kuoma kân hmutir theina ding chea hi tienga hung ṭhuoi i ni hrim a; chuongchun, i hmuhai po po chu Israel sûngkuo kuoma chun puong rawh,” a tih a.

DANIEL 1:6

Hieng hai laia Juda nauhai chu Daniel, Hanania, Misael le Azaria an nih.

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

DANIEL 12:11

Chun, pumrawhmang thilin- hlân rawp hi lâk hmang le, sukrêmna tirdakum intluntu uma inthawkin ni sâng khat za hni sâwmkuo um a tih.

DANIEL 9:23

I hninahai în tlun tîra inthawk khan thu chu a hung suok a, chun, hril ding chein ka hung tah a; nasataka ditsak i ni sih a; chuleiin, thil chu ngaituo la, thilhmulâwk thu chu a ngaina lo hre rawh.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâk- taka khawm chun.

DANIEL 9:27

Chun, hapta khat chu mi tam- tak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

MATTHAI 24:16

Juda rama umhai chu tlânga dâm tlân hmang raw hai se;

MARKA 13:14

“Nisienlakhawm, sukrêmtu tir- dakum chu a ngîr nawna dinga ngîr in hmu phâleh, (a tiem taphawt chun a umzie hre raw se); chu phâ chun Judai rama umhai chu tlânga dâm tlân hmang raw se;

LUKA 19:43

Hieng ang nihai hi i chungah a la tlung ding a ni sih a; i râlhaiin i vêlin hnuoi kul siem an ta, inhuol an ti cheh a;

LUKA 21:20

“Nisienlakhawm, sipaihaiin Jerusalem an inhuol in hmu pha, a bohmang ding a nih ti hre ro.

JOHAN 11:48

Hieng anga ei thlathlam el chun mi po poin ama ring an ta; chun, Roma mihai hung an ta, ei hmun le ei chihai hi mi lâkpêk an tih,” an ta.

THILTHAWHAI 21:28

an khêk a, “Israel mihai, mi ṭhangpui ro, hi mipa hi ram tinah mi po po kuomah, Juda mi dâm, Dân dâm, hi in dâm hi hrilsetu kha a nih; chu naw khawm chu Pathien biekina hin Grik mihai khawm a lûtpui a, hi in inthieng hi a suktirdakum tah a nih,” an ta.

THILTHAWHAI 6:13

Chun, hretu tehlêmhai an siem a, chuhai chun, “Hi mipa hin In Inthieng le Dân hi a hrilsiet rawp hlak a;

HEBRAIHAI 2:1

Chuleiin, naa ei ihriethai kha ṭhahnemngaitakin ei pawisa nâwkzuol ding a nih, chuong naw chun, intawl hmang hlau rawi ei tih.

THUPUONGSUO 1:3

Hi hrillâwkna bu thu tiemtu le ngaia a sûnga thu ziek pawmtuhai chu an hamṭha; a hun chu a hnai ta sih a.

THUPUONGSUO 3:22

Thlarauin kohranhai kuoma thu a hril hi na nei chun hre raw se, a tih,” a tih a.