MATTHAI 23:7 - Pathien Lekhabu Inthieng (BSI)

⁷ dâwr hmuna chibai bûkhai, mihaiin, ‘Rabbi’ an itihai an ngaina hlak sih a.

MATTHAI 23:7 ပူးပေါင်းရင်းမြစ်များ

MATTHAI 11:16

“Nisienlakhawm, tulai ruol- tharhai hi ieng lêm hrilkhîng ka ta? Naupang dâwr hmunahai ṭhung a, an ruolhai ko a,

MATTHAI 23:8

“Nangni ruok chu, ‘Rabbi’, tia koin um naw ro; in inchûktirtu chu pakhat chau a nih; nangni po po chu unau in ni sih a.

MATTHAI 26:25

Chun, ân mantirtu ding Juda chun a dawn a, “Rabbi, kei am ka nih?” a ta. Ama chun a kuomah, “în ti zing chu teh,” a ta.

MATTHAI 26:49

Chuongchun, Isu chu a va pan nghâl tah a. “Chibai, Rabbi,” tiin a fâwp ta ngâwi ngâwi a.

MARKA 10:51

Chun, Isûn ama chu a lo biek a, “I chungah ieng ang am ka thaw i nuom a?” a ta. Chun, mitdel chun a kuomah, “Rabboni, hmu thei ka nuom,” a ta.

MARKA 11:21

Chuongchun, Peterin a hriet suok nâwk a, a kuomah, “Rabbi en ta, theichang kûng ṭawngsie în phur kha a lo thêm vawng tah,” a ta.

MARKA 12:38

Chun, a închûktirnaa chun, “Dân inchûktirtuhai lai hin fimkhur ro, anni chun zakuo fuol hâka lêng an nuom hlak a, dâwr hmuna chibai bûk dâm,

MARKA 14:45

Chuongchun, a tlung phingleh ama a va pan nghâl tah a, “Rabbi,” tiin a fâwp ngâwi ngâwi a.

MARKA 9:5

Chun, Peterin Isu a biek a, “Rabbi, ei ta dingin hitaka um hi a ṭha; bâwkte pathum khâwng ei ta, I ta dingin pakhat, Mosie ta dingin pakhat, Elija ta dingin pakhat,” a ta.

LUKA 11:43

Nangni Pharisaihai in chung a rik ie! Inkhâwmna ina ṭhungpha ṭhatak le dâwrhmuna chibai bûkhai in ngaina si hlak a.

JOHAN 1:38

Chun, Isu a nghah a, an hung zui chu a hmuh a, an kuomah, “Ieng am in zawng a?” a ta. Anni chun, “Rabbi, (chu chu inchûktirtu tina a nih), khâwlai am i um a?” an ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 11:8

Chun, inchûktirhai chun a kuomah, “Rabbi, kha hma el khan Judahaiin lunga dêng an tum che kha; chuong sa sa chun chutaka chun i la fe rawp ding am a nih?” an ta.

JOHAN 20:16

Isûn a kuomah, “Mari,” a tih a. Ama chu a nghah a, a kuomah, Hebrai ṭawngin, “Rabboni,” a ta; (chu chu Inchûktirtu tina a nih.)

JOHAN 3:2

ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.

JOHAN 3:26

Johan kuomah an hung a, a kuomah, “Rabbi, Jordan râla i kuoma um, a thu mi în hriettir khan, ngai ta, kha pa khan mi a baptis a, mi po po a kuomah an hung a nih,” an ta.

JOHAN 4:31

Chu kâr chun inchûktirhai chun a kuomah, “Inchûktirtu, fa rawh,” an lo ti an lo tih a.

JOHAN 6:25

Chun, dîl râla an hung hmu chun a kuomah, “Rabbi, iengtik am hi tieng i lo tlung a?” an tih a.

JOHAN 9:2

Chun, a închûktirhaiin a kuomah, “Rabbi, mitdel saa a pieng hi tuin am thil a suksuol, ama hin am, a nu le a pain?” an ta, an indawn a.