MATTHAI 23:37 - Pathien Lekhabu Inthieng (BSI)

³⁷ “Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

MATTHAI 23:37 ပူးပေါင်းရင်းမြစ်များ

NEHEMIA 9:26

Nisienlakhawm, an hung kâw- mawh a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thawh a.

INPÂKNA HLABU 17:8

Mit nautê angin mi kawl ṭha la, I thla hnuoiahai chun mi thup rawh,

INPÂKNA HLABU 36:7

Aw Pathien, i ngilneina chu a va hlu de! Mihriem nauhai chun i thla hnuoi an inchû hlak.

INPÂKNA HLABU 57:1

Aw Pathien, mi lunginsiet rawh: Ka hringna hi nangmaa chun a hung tlulût sih a: Anih, i thla hnuoia chun himna zawng ka tih, Vângduoinahai hi ân kieng hmakhat chun.

INPÂKNA HLABU 63:7

Nang chu a mi ṭhangpuitu i ni sih a, I thla hnuoia chun hlimin hla ka sak ding a nih.

INPÂKNA HLABU 91:4

A thla chun inkhum a ti cheh a, A thla hnuoia chun himtakin um i ta, A thutak chu phaw chîn le phaw lien a nih.

ISAI 5:4

Ka grêp huona hin ka thaw ta ang bâk khan chu a chungah ieng am thaw nâwk chuong ding a la um ta rawp a? Grêp raa ra dinga ka beisei vei le khan ieng leia grêp suoka a hung ra el am a ni aw?

ISAI 50:2

Ieng leiin am ka hung khan mi hrim hrim an um nawh a? Ieng dinga ka ko khan a mi dawn an um nâwm a na? Ka kut hi intlan thei lo dingin suktâwiin a um hrim hrim am a nih? Annawleh, sanhim dingin thilthaw- theina hrim hrim ka nei nâwm a nih? Ngai ta u, ka kâwknain tuisuoriet ka sukkang hlak a, vadungpuihai chu ram ṭâwlah ka siem hlak, tui hrim hrim a um naw leiin a ngahai chu an thuh a, dangchârin an thi hlak.

JEREMIA 2:30

A thlâwn elin in thlahai chu ka lo vuok tah a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 26:23

Aigupta rama inthawk chun Uria chu an hung ṭhuoi a, lal Jehoia- kim kuoma chun an hung ṭhuoi tah a, chun, ama chun kâwlhnâmin a that a, a ruong chu mi narânhai thlâna chun a pei lût a.

JEREMIA 32:31

Hi khawpui hi an bâwl ṭan nia inthawk vawisûn ni chen hin, keia ta ding chun ka ṭiumna le ka lungin- senna chawkthona chau a nih; chuongchun, ka hmaihmaa inthawk- in ka sawn hmang ding a nih;

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thil- thawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienla- khawm, in na khawm in sit nawh a, ngai khawm in mi ngai naw kha.

JEREMIA 36:26

Chun, lal chun lal naupa Jerahmeel le, Azriel naupa Seraia le, Abdeel naupa Selemia chu lekhaziek- tu Baruk le zâwlnei Jeremia chu man dingin thu a pêk a; nisienlakhawm, LALPA chun anni chu a thup a.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

JEREMIA 6:8

Aw Jerusalem, inchûktirin in um tah, chuong naw chun, ka thla hin hransan rawi a ti che, chuong naw chun, râusan le ram hluo loah siem ka ti che.

HOSEA 11:2

Ka ko râwn po leh an mi hlat zuol det a, Baalhai kuomah an inthâwi lem a. Mi lim siem fâwmhai kuomah riminhnik an raw a nih.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 7:13

An chung a rik ie; ka kuoma inthawkin an fe hmang ta sih a! Bohmangna an chungah a tlung ie, ka chungah an hel ta sih a! Kei chun anni sandam ka nuom a, Anni ruok chun khêl an mi hril khum a,

ZEKARIA 1:4

Inhmaa zâwlneihaiin an kuoma, ‘Sipaihai LALPA chun hieng hin a tih: in thilthaw rilohai le, in um dân khawhlonahaia inthawk khan hung kîr ro,’ a tih tia a hril a, ngai si lohai le, keia tieng khawm pawisa si lohai, in thlatuhai ang khan um naw ro, LALPA chun a tih.

MATTHAI 22:3

Chun, inneina ruoiṭhe fa dinga a fielhai chu ko dingin a suokhai a tir a; nisienlakhawm, an hung nuom nawh a.

MATTHAI 22:6

mi danghai chun a suokhai chu an man a, inzakumtakin an siem a, an sukhlum el tah a.

MATTHAI 23:30

‘Ei puhai dam lai khan lo um ve inla khawm, zâwlneihai thisen an insuonaa chun ṭhang ve nâwm ei nih,’ in ti hlak a.

MATTHAI 23:31

Chuongchun, zâwlneihai that- tuhai nau in nih ti in inhriettir a nih.

MATTHAI 5:12

“Lâwm unla, nasatakin hlim ro; vânah in lâwmman a um râwn sih a; chuong ang bawkin in hmaa zâwlnei umhai khawm an suknawmna hlak kha.

LUKA 15:28

Chun, a lunginsen a, a lût nuom ta nawh a; chun, a pa a hung suok a, a thlêm a.

1 THESSALONIKA 2:15

Chuong Judahai chun Lalpa Isu le zâwlneihai khawm an that a, keini khawm an mi hnawt suok a, Pathien an suklâwm nawh a, mi po po an kal hlak;

THUPUONGSUO 17:6

Chun, chu nuhmei chu mi inthienghai thisen le Isu martarhai thisena inruiin ka hmuh a. Ka hmu phingleh mak ka ti bêk bêk a.

RUTH 2:12

LALPA chun i thilthaw tahai chu thung sienla che, LALPA, Israel- hai Pathien, inhumhimna dinga a thla hnuoi i hung phên chun, i ṭhat man pe ṭeu raw se che,” tiin.