MATTHAI 23:26 - Pathien Lekhabu Inthieng (BSI)

²⁶ Nang Pharisai mitdel, no le thlêng sûng tieng chu sâwp fai hmasa rawh, a puo tieng khawm a hung fai theina dingin.”

MATTHAI 23:26 ပူးပေါင်းရင်းမြစ်များ

ISAI 55:7

mi rilo chun a um dân chu bânsan sienla, mi fel naw chun a ngai- tuonahai chu bânsan bawk raw se; LALPA kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm sih a.

JEREMIA 13:27

Ramhnuoi muol chunghaia i châkna hurna, i în hrâmnahai, i uire- nahai, i tirdakumnahai chu ka hmuh a. Aw Jerusalem, i chung a va rik de! sukthieng i ni âwm si nawh a, ieng chen am a la ni ding chu aw?

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

EZEKIEL 18:31

In bawsietnahai po po, in lo bawsiet tahai chu, nangnia inthawk- in peihâwn unla, thlarau thar le lung- ril thar insiempêk unla, aw Israel sûngkuo, iengdingin am thîng in ta?

MATTHAI 12:33

“Thing chu a ṭha a, a ra khawm a ṭha, in ti naw nghâl an leh, thing chu a sie a, a ra khawm a sie, ti nghâl nghâl ro; thing chu a rain ân hriet sih a.

MATTHAI 14:8

Chun, ama chun a nu infuiin, “Hiva hin thlêngin Baptistu Johan lu mi pe rawh,” a ta.

MARKA 7:4

Chun, dâwr hmuna inthawk an inlâwi khawmin an insil naw chun an fâk ngai nawh a. Chun, thu dang tamtak pawm tlat ding an lâksâwnghai chu a um a, nohai, bêlhai, sumbêlhai sâwp hai ang hi.)

LUKA 11:39

Chun, Lalpa chun a kuomah, “Nangni Pharisaihaiin no le thlêng puo tieng chu in sâwp fai hlak luoh a; in sûng tieng ruok chu hlêprûkna le suolin a sip sih a.

LUKA 6:45

Mi ṭha chun a lungril ro bâwm ṭhaa inthawkin thil ṭhahai a the suok hlak; mi suol chun a lungril ro bâwm siea inthawkin thil ṭha nawhai a the suok hlak; a lungril sip liem chu a bauin a hril suok el hlak a ni sih a.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insuk- fai ei tiu, Pathien ṭi puma inthieng- na sukfamkimin.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna fam- kim neia lungril indiktak putin hnai ei tiu.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.