MATTHAI 23:15 - Pathien Lekhabu Inthieng (BSI)

¹⁵ Nangni Dân inchûktirtu le Pharisai vervêkhai in chung a rik; Saphun pakhat khawm siem dingin tuisuoriet le khawmuol in fe huol sih a, chun, chuong anga a hung um phaleh ama chu nangni lethni rauin Hremhmun naupaah in siem hlak.

MATTHAI 23:15 ပူးပေါင်းရင်းမြစ်များ

ESTHER 8:17

Chun, rambung tin le khaw tinah, lal thupêk a tlungna taphawta chun, Judahai chun lâwmna le hlimna an nei a, ni ṭha le ruoiṭhena dâm an nei ta bawk a. Chun, chu rama chi tamtakhai laia mi chu Juda an hung ni ve tah a; an chunga chun Juda mihai ṭitna chu a tlung ta sih a.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsen hung tlung ding hi tlânsan dingin tuin am a kâwk cheu a?

MATTHAI 5:22

kei ruok chun, tukhawm a unau chunga lunginsen taphawt chu rorêlna hmabâk zingin um a tih; chun tukhawm a unau kuoma, ‘Hmang- nabopa’ ti taphawt chu rorêlna hma- bâk zingin um a tih; chun tukhawm, ‘Invêtpa’ ti taphawt chu Hremhmun meia pei hmabâk zingin um a tih ti ka hril cheu hi.

MATTHAI 5:29

Chun, i mit changtiengin a sukthlûk che chun khel dawk la, pei dai rawh; i taksa a puma Hrem- hmuna peia a um nêkin, i taksa pêng pakhat bo chu i ta dingin a ṭha lem a nih.

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

THILTHAWHAI 13:10

“Nang mi hlêm le theidaum tinrênga sippa, nang diebol naupa, nang felna tinrêng kawp nawpa, Lalpa kawng feltakhai hi suksiet ma naw ti ni maw?

THILTHAWHAI 13:43

Chun, inkhâwmhai chu an ṭin phingleh, Judahai le an saphun Pathien ngaisak laia mi tamtakin Paula le Barnaba chu an zui pei a; anni chun an lo biek a, Pathien lunginsietnaa chun um zing dingin an infui a.

THILTHAWHAI 14:19

Nisienlakhawm, Antiokei le Ikonioma mi Juda tuhai amanih chutaka chun an hung a, mipuihai chu an zâwr thlûk tah a; chuongchun, Paula chu lungin an dêng a, thia an ring leiin khuoa inthawk chu an hnûk dawk tah a.

THILTHAWHAI 14:2

Nisienlakhawm, ring nuom naw Judahaiin Jentailhai lungril an infui a, unauhai chu an intheidatir a.

THILTHAWHAI 17:13

Nisienlakhawm, Thessalonikaa Judahai chun Paulain Beroia khuoah Pathien thu a hril ti an hriet phingleh, chutaka khawm chun an va feh a, mipuihai an infui a, an buoi nâwk tah a.

THILTHAWHAI 2:10

Phrugia rama um dâm, Pamphulia rama um dâm, Aigupta rama um dâm, Kurini kâwl vêla Libu rama um ei na,

THILTHAWHAI 6:5

Chuong thu chun mipui po po chu a suklâwm a; chuongchun, Stephan, ringna le Thlarau Inthienga sip le, Philip, Prokor, Nikanor, Timon, Parmena le Nikol Judahai saphun Antiokei mi leh an thlang a.

GALATI 4:17

Ṭhat tiengah ni dêr si loin, nasatakin an ngaisak hlak cheu a, anni in ngaisak theina dingin keinia inthawka ṭhethlâk cheu tum an ni tak.

GALATI 6:12

Tisaa hmêl insukmawi nuomhai poin sertana um dingin an tir lui hlak cheu a nih; ieng dang lei khawm a ni nawh a, Krista kraws leia suk- nawmnatna an tuor nawna ding chau a nih.

EPHESI 2:3

Chuong ringnaw nauhai laia chun, eini khawm inhma chun tisa le lungril nuomzâwng thawin, ei tisa châknahai angin ei um vawng a, mi danghai angin lunginsenna naua insieng hrim ei ni kha.