MATTHAI 22:46 - Pathien Lekhabu Inthieng (BSI)

⁴⁶ Chun, tukhawmin bau khat khawma an dawn thei ta nawh a; chu ni chena inthawk chu tukhawmin thu dang hrim hrim khawma an indawn ngam ta nawh.

MATTHAI 22:46 ပူးပေါင်းရင်းမြစ်များ

MATTHAI 21:27

Chuongchun, Isu an dawn a, “Kan hriet nawh,” an ta. Ama khawm chun an kuomah, “Kei khawmin tu thuin am hieng thil hi ka thawh a hril bîk naw ning cheu.

MATTHAI 22:45

“David chun ama chu, ‘Lalpa,’ a ti si chun iengtin am a naupa ni thei a ta?” a ta.

MARKA 12:34

Chun, vartakin a dawn ti Isûn a hrietin a kuomah, “Pathien ram i hlat naw hi” a ta. Chu hnunga chun tukhawmin thu hrim hrim an indawn ngam nawh a.

LUKA 13:17

Chuong thuhai chu a hril laiin a hmêlmahai po po chu an inzak tah a; mipui ruok chu a thil ropui thaw po po leiin an lâwm vawng a.

LUKA 14:4

Anni ruok chu an to zing a; ama chun damnaw chu a chel a, a sukdam a, ân fetir tah a.

LUKA 14:6

Chuong thu chu an dawn thei naw nâwk bawk a.

LUKA 20:40

Thu dang an indawn ngam ta si nawh a.

THILTHAWHAI 4:14

Chun, mi an sukdam chu an kâwla ngîr an hmuh a, iengkhawm an sawisêl thei si nawh.

THILTHAWHAI 7:32

‘Kei i thlatuhai Pathien ka nih, Abraham Pathien, Isak Pathien, Jakob Pathien chu,’ a lo tih a. Chuongchun, Mosie chu ân thin a, a en ngam ta nawh a.