MATTHAI 22:13 - Pathien Lekhabu Inthieng (BSI)

¹³ Chun, lal chun a suokhai kuomah, ‘A kut le a ke khuop unla, tuol tieng inthimah pei dawk ro, chutaka chun ṭap le harâwt chu um a tih,’” a ta.

MATTHAI 22:13 ပူးပေါင်းရင်းမြစ်များ

INPÂKNA HLABU 112:10

Mi rilo chun chu chu hmûng a ta, lunginsen a tih, A ha râwt a ta, intuihmang a tih: Mi rilohai dit zâwng chu bohmang a tih.

INPÂKNA HLABU 37:12

Mi rilo chun mi fel a phier- rûk a, A ha a râwt khum hlak.

ISAI 52:1

Aw Zion, har la, har la, i hrâtna inbel rawh; aw Jeru- salem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si nawh a.

DANIEL 3:20

Chun, a sipai pâwl laia mi- hrâttakhai chu Sadrak, Mesak le Abednego chu khuop a, meithuk chawklai râpthlâktaka chun pei lût dingin thu a pêk a.

MATTHAI 12:29

Chuongchu a ni si naw chun, miin mi hrât chu a khuop hmasa bak naw chun, iengtin am mi hrât inah lûtin a sum lapêk thei a ta? Chu hnunga ruok chun a in chu inrampêk el a tih.

MATTHAI 13:30

Bu sîk chenin um hmun khat raw se; chun, bu sîk pha chun, bu âttuhai kuomah, bu tehlêm chu la khâwm hmasa phawt unla, raw dingin intêl ro, bu ruok chu ka inah sêk lût ro, la tîng ka tih,’ a tih a,” a ta.

MATTHAI 13:42

rawtuina meia chun pei an ta, chutaka chun ṭap le harâwt chu la um a tih.

MATTHAI 13:50

rawtuina meia chun pei an ta; chutaka chun ṭap le harâwt chu um a tih,” a ta.

MATTHAI 24:51

tum hni hung insuong a ta, mi vervêkhai chan ang hung inchangtir a tih; chutaka chun ṭap le harâwt chu um a tih.

MATTHAI 25:30

Chun, suok ṭhahnem naw kha tuol tieng inthima chun pei dawk ro; chutaka chun ṭap le harâwt chu um a tih,’ a ta, a dawn a.

MATTHAI 8:12

ram nauhai ruok chu tuol inthima chun hnawt dawkin um an ta; chutaka chun ṭap le harâwt chu um a tih,” a ta.

LUKA 13:28

“Abraham hai, Isak hai, Jakob hai, zâwlnei po pohai chu Pathien ram sûnga um in hmua, nangni tuola hnawt suok in ni in inhriet pha, chutaka chun ṭap le harâwt chu um a tih.

JOHAN 21:18

Titakzetin, titakzetin ka hril che, i naupang lai khan i kâwngah în khit a, i nuomna tieng tieng i fe hlak; nisienlakhawm, i upat pha i kuthai phar i ta, mi dangin khitpêk an ti cheh a, i nuom nawna tieng kei an ti che,” a ta.

THILTHAWHAI 21:11

Kan kuomah a hung a, Paula kâwnghrên a lâk a, a kehai, a kuthai ama le ama ân khuop a, chun, “Jerusalema Judahai chun hi kâwnghrên neitu hi hieng ang hin khuop an tih, Jentailhai kutah pe bawk an tih, Thlarau Inthiengin a tih,” a ta.

THILTHAWHAI 7:54

Chun, chuong thu chu an hrietin an lungril a khei tah a, Stephan chunga chun an ha an rawt a.

2 THESSALONIKA 1:9

Chuong mihai chun hrem tuor an tih: Lalpa kuoma inthawk le a hrâtna ropuinaa inthawka chatuona bo- hmangna chu;

2 PETER 2:17

Chuong chu tuikhur tui um naw le, sûm thlipui imût lêng chu an nih, chuonghai ta ding chun inthim sa khup chu khêk a ni tah.

2 PETER 2:4

Vântirkohaiin thil an suksuol lai khan Pathienin a hla nawh a, hremhmunah a pei a, rorêlpêk dinga khêk dingin khur inthimah a khum lem sih a.

JUDA 1:13

tuisuoriet fâwn invawr, mâni muolphona inhuom suokhai an nih; arasi invâk invâk, chatuona inthim sa mup khêk pêkhai chu an nih.

JUDA 1:6

Chun, vântirkohai anni nîna pawm loa, an umna pângngai fe san lemhai chu, ni ropui rorêlnaa dingin inthim hnuoiah chatuon khuopnaa khuop pumin a khêk a nih.

THUPUONGSUO 21:27

Nisienlakhawm, thil inthieng- naw hrim lût dêr naw nih a, thil tirdakum thawhai le khêlinhlip khawm lût naw bawk an tih; Berâmte Hringna Bua hming an ziekhai chau lût an tih.