MATTHAI 21:37 - Pathien Lekhabu Inthieng (BSI)

³⁷ Chu hnunga ruok chun, ‘Ka naupa hi chu inza ngei an tih,’ tiin a naupa chu an kuomah a tir a.

MATTHAI 21:37 ပူးပေါင်းရင်းမြစ်များ

ISAI 5:4

Ka grêp huona hin ka thaw ta ang bâk khan chu a chungah ieng am thaw nâwk chuong ding a la um ta rawp a? Grêp raa ra dinga ka beisei vei le khan ieng leia grêp suoka a hung ra el am a ni aw?

JEREMIA 36:3

An chunga thil ṭha naw thaw ka tum chu Juda sûngkuohai chun an hrietin, an suolna chu ka ngaidam theina dingin mi tin chu mâni um dân suola inthawk chun an hung kîr rawi mawh,” tiin.

ZEPHANIA 3:7

Ama chungthua ka lo ruot ta ang po poin, a chêngna chu sât thlâk a ni nawna dingin. “Matheiloin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik nawh a.

MATTHAI 21:36

Chun, suok dang a hmasa pâwl nêka tam lem a tir nâwk a; annihai chunga khawm an hmaa mihai an thaw ang bawkin an lo thaw nâwk a.

MATTHAI 21:38

Nisienlakhawm, lo enkawltuhai chun a naupa chu an lo hmu phingleh, ‘Hi mipa hi rohluotu ding chu a nih; that ei tiu a, a ro hluo ding hi nei pêk ei tiu,’ an ta.

MATTHAI 3:17

Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

MARKA 12:6

Chun, pakhat, naupa dittak chu a la nei a, ‘Ka naupa hi chu inza êm naw ni hai am,’ tiin ama chu a nuhnungtakah an kuomah a tir a.

LUKA 20:13

“Chun, grêp huon neitupa chun, ‘Iengtin am thâwng ka ta? Ka naupa dittak tir el ka tih; ama hi an lo inza duoiin,’ a ta.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 1:34

Chu chu ka hmu tah a, ama hi Pathien Naupa a nih ti kân hriettir tah,” a ta.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang nawh a, chatuona hringna an nei lemna dingin.