MATTHAI 20:23 - Pathien Lekhabu Inthieng (BSI)

²³ Ama chun an kuomah, “Ka no chu dâwn ngei in tih; nisienlakhawm, ka changtieng le ka vawitienga ṭhung ding thu chu keia pêk ding a ni nawh a, ka Pa ibuotsaipêkhai ta ding ni lem a tih,” a ta.

MATTHAI 20:23 ပူးပေါင်းရင်းမြစ်များ

MATTHAI 13:11

Chun, ama chun a dawn a, an kuomah, “Vân ram thurûk chu nangni ihriet chu phal a nih, anni ihriet ruok chu phal a ni nawh.

MATTHAI 20:24

Chun, sâwm hai chun chu chu an lo hrietin unau pahni hai chunga chun an lunginsen tah a.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

MARKA 10:40

Nisienlakhawm, ka chang- tienga manih ka vawitienga manih, ṭhung ding thu chu keia pêk ding a ni nawh a, an ibuotsaipêkhai ta ding ni lem a tih,” a ta.

THILTHAWHAI 12:2

Jakob, Johan unau chu, kâwl- hnâmin a sâthlum a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:17

Chun, nauhai ei ni chun ro- hluotuhai, Pathien rohluotu, Krista hluopuituhai ei nih; chuleiin, ama ei tuorpui ding a nih, a kuoma chawimawia ei um ve theina dingin.

1 KORINTH 2:9

“Mita hmu ngai naw le naa hriet ngai naw, Mihriem lungrila lût ngai naw, Pathienin ama hmangaituhai ta dinga A buotsai taphawt chu,” ti ziek ang lem khan.

2 KORINTH 1:7

Chun, rinumna chang vehai in ni angin, thlamuongna chang vehai in ni bawk ti kan hrietin, kan beisei pêkna cheu hi a det a nih.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta sih a.

THUPUONGSUO 1:9

Kei Johan, in unaupa le, Isu rinumna dâm, khuoletui dâm, selna dâm inṭâwmpuitu cheu hi, Pathien thu lei le, Isu inhriettirna thu leiin Patmos thlierkâr an tia chun ka um a.