MATTHAI 20:15 - Pathien Lekhabu Inthieng (BSI)

¹⁵ Ka ta nâknâk chu ka nuom ang anga ka thaw a thieng naw am a nih? Annawleh, kei ka ṭhat leiin nangin i thîk am a nih?’ tîn a dawn a.

MATTHAI 20:15 ပူးပေါင်းရင်းမြစ်များ

FESUOKNA 33:19

Chun, ama chun, “Ka ṭhatna po po i hmaah fêng a ta, ka hming ‘LALPA chu’ i hmaah puongdar ka tih; ka lunginsiet dinghai chu lunginsiet ka ta, za ka ngaina dinghai chunga chun za ngai ka tih.

THUVARHAI 23:6

Mit rilo neitu bei chu fa naw la, A thiltuihnaihai khawm chu châk ve naw rawh.

THUVARHAI 28:22

Mit rilo neitu chun hausakna- hai a bawin a bawh a, Tlâksamna a chungah a hung tlung ding a nih ti a hriet nawh.

JEREMIA 18:6

“Aw Israel sûngkuo, hi bêl hemtu ang hin i chunga hin ka thaw thei ni lo am a nih? LALPA chun a tih. Ngai ta, pilpawk chu bêl hemtu kuta a um angin, nang chu ka kuta um i nih, aw Israel sûngkuo.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i phuong lei hin kân pâk che.

MATTHAI 20:14

I ta kha la la fe el rawh; nang ka ipêk che ang bawk kha, hi a nuhnung tak kuoma khawm hin ka pêk nuom a nih.

MATTHAI 6:23

I mit a se ruok chun i taksa a rêngin inthim vawng a tih. Chuong- chun, i sûnga var chu inthim ni sien chu, inthim chu a va nasa awm ngei de!

MARKA 7:22

inhnarna dâm, suolna dâm, hlêmna dâm, hurna dâm, îtsîkna dâm, hrilsietna dâm, chapona dâm le invêtna dâm hi;

JOHAN 17:2

khânga mi po po chunga thuneia i siem khan, a kuoma i pêkhai po chu chatuona hringna a pêk theina dingin.

THILTHAWHAI 13:45

Nisienlakhawm, Judahaiin mi- puihai chu an hmu phingleh an îtthîk bêk el a; Paula thu hril chu an sêlkal a, an hrilpâwi hleh a.

1 KORINTH 4:7

Nang tûin am a sukdanglam chuong cheh a? Dawng naw chu ieng am i nei leh? I dawng a ni si chun iengdinga i dawng ni lo anga i uongpui am a na?

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

EPHESI 2:1

Nangni khawm in bawsiet le in suolhai leia thi in ni lai khan, a sukhring cheu a nih,

EPHESI 2:5

ei bawsietna leia thi ei ni lai meu khawmin, Krista ruolin a mi suk- hring veh a, (lunginsietnaa sandam in ni tah),

DÂN PAHNINA 15:9

‘Ngaidam kum, kum sarina chu a hung tlung ding a ni tah,’ tiin in unauhai chu hmu nuom loin, ieng- khawm pe nuom loin in lungrila indik nawtaka ngaituona um lo dingin fîmkhur ro; chuong naw chun, ama chun in chungchâng thuah LALPA ko a ta, i ta dingin suol hung ni rawi a tih.

DÂN PAHNINA 28:54

Nangni laia mi nun ṭha mi tlangtakhai khawmin an unaupahai dâm, an nuhmei dittakhai dâm, an la umpui an nauhai takngiel khawm hmu nuom naw ni hai a,

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

JAKOB 5:9

Unauhai, thiemnaw changa in um nâwna dingin inchier khum naw ro; ngai ta u, rorêltu chu kawtkhâr bulah a ngîr zing a nih.