MATTHAI 2:12 - Pathien Lekhabu Inthieng (BSI)

¹² Herod kuoma kîr nâwk lo dingin manga hrila an um leiin, lampui dangah an khuo tieng an kîr tah a.

MATTHAI 2:12 ပူးပေါင်းရင်းမြစ်များ

INṬANNA 31:24

Chun, Aram mi Laban kuoma chun zânah a mangah Pathien a hung a, a kuomah, “Jakob kuomah a sie a ṭha, a iengkhawm hril lo dingin fîmkhur rawh,” a tih a.

FESUOKNA 1:17

Nisienlakhawm, naudawmtu- hai chun Pathien an ṭih a, Aigupta lalin anni thu a pêk angin an thaw nawh a, nautê pasalhai chu an sanhim lem tah a.

DANIEL 2:19

Chun, zâna thilhmulâwkin Daniel kuoma chun chu thurûk chu phuongin a um tah a. Chun, Daniel chun vâna Pathien chu ân pâk tah a.

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

MATTHAI 2:13

Chun, an fe hnungin, ngai ta, Lalpa vântirko Josef kuomah a mangah ân lâr a, “Tho la, nautê le a nu ṭhuoi la, Aigupta ramah tlân hmang rawh, ka hril nâwk hmakhat che chu chutaka chun um zing rawh; Herodin nautê sukbo dingin a zawng ding a nih,” a ta.

MATTHAI 2:19

Nisienlakhawm, Herod chu a thi hnungin, ngai ta, Lalpa vântirko Aiguptaa chun Josef kuomah mangah ân lâr a,

MATTHAI 2:22

Nisienlakhawm, Arkelaus a pa Herod aiawin ân lal ti a hrietin chutaka fe chu a ṭi tah a; chun, a manga hrila a um leiin Galili tieng a fe ta dai a.

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân chah a.

LUKA 2:26

Chun, Lalpa Krista chu a hmu hmakhat chu thi naw ni ti Thlarau Inthiengin a lo inhriettir ta hrim a.

THILTHAWHAI 10:22

Anni chun, “Vântirko inthieng pakhatin, Korneli, sipai za hotu mi feltak, Pathien ṭi Juda hnam po pohai khawma an ingaisâng kuoma chun, i thu hril a hrietna dingin, a inah nang ko ding chein a hril a nih,” an ta.

THILTHAWHAI 4:19

Nisienlakhawm, Peter le Johan- in an kuomah, “Pathien mithmuin, Pathien thu zâwm nêkin nangni thu zâwm ân dik lem am chu, ngaituo ro.

THILTHAWHAI 5:29

Nisienlakhawm, Peter le tirko- hai chun, “Mihriem thu nêkin Pathien thu kan zâwm lem ding a nih.

1 KORINTH 3:19

Hi khawvêl varna hi Pathien ngaiah invêtna a ni sih a. “Ama chun mi varhai chu anni var vervêknaah a âwk hlak,” ti ziek a ni sih a.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir tah a, ringna leia felna um ro chu hluotu a lo ni tah a.

HEBRAIHAI 8:5

Chuonghai chun vân thilhai chu a lim le a hlim rawng an bâwl hlak a, Mosiein biekbûk a bâwl ding laia, “Tlânga enkhi ding i kuoma inentira um ang tak khan, iengkim siem dingin fimkhur rawh,” tia Pathienin a hril ang khan.