MATTHAI 19:5 - Pathien Lekhabu Inthieng (BSI)

⁵ ‘Hi lei hin pasalin a nu le pa mâksan a ta, a nuhmei chel a tih; chuongchun, an pahni chun tisa pumkhat ni tâng an tih,’ ti hi.

MATTHAI 19:5 ပူးပေါင်းရင်းမြစ်များ

INṬANNA 34:3

Chun, a lungril chu Jakob naunu Dina chunga chun a um tlat a, chu nunghâk chu a hmangai a, bau ṭhatakin a biek a.

2 SAMUEL 1:26

Ka unaupa Jonathan, i chungthua hin ka lunginzîng a nih; Ka chungah i ṭha êm êm hlak a, I mi hmangaina chu a mak a, Nuhmei hmangaina chu a khûm dai a nih.

1 LALHAI 11:2

chuong hnamhai chungchâng thu chu LALPAIN Israel thlahai kuomah, “Anni chu pâwl naw unla, anni khawma pâwl naw raw hai se cheu; an pathienhai tieng in lungril an kei kâwi ngei âwm sih a,” tiin a lo hril ta hrim a; chuonghai chu Solomon chun hmangainain a chel tlat a.

INPÂKNA HLABU 45:10

Aw ka naunu, ngai la, ngaituo la, na sit rawh; I mihai le i pa ina mihai chu theinghil rawh;

INPÂKNA HLABU 63:8

Ka hringna hin a zui tlat cheh a, I kut changtiengin i mi kei hlak.

MALAKI 2:15

Chun, hringna chi chu a nei leiin, ama chun pakhatah a siem a ni naw am a nih? Ieng leia pakhata siem am a na? Pathien chi chu a zawng a nih. Chuleiin, in thlaraua chun fîm- khur unla mi tukhawma a tleirâwl nuhmei chu khawhlotakin thaw naw raw se.

MATTHAI 19:6

Chuongchun, pahni an ni ta nawh a, tisa pumkhat an ni ta lem a nih. Chuleiin, Pathienin a izawm ta chu mihriemin ṭhe naw raw se,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:9

Hmangaina chu vervêkna ṭhang loin ni raw se. Suol tieng chu theida unla, ṭha tieng chu pawm tlat ro.

1 KORINTH 6:16

Anleh, nawchizawr zawmpui chu ama leh pumkhat an nih ti in hriet naw am a nih? “An pahniin tisa pumkhat hung ni tâng an tih” ti ziek a ni sih a.

1 KORINTH 7:2

Nisienlakhawm, inditnahai a um hlak leiin pasalin nuhmei bîk nei seng hai sienla, nuhmei khawmin pasal bîk nei seng raw hai se.

1 KORINTH 7:4

Nuhmei chun ama taksa chungah thu a nei nawh a, a pasal chun thu a nei lem a nih; chuong ang bawkin pasal khawm chun mâni taksa chungah thu a nei nawh a, a nuhmei chun thu a nei lem a nih.

EPHESI 5:31

“Chuleiin, pasalin a nu le pa mâksanin a nuhmei chel a ta, chun, an pahni chun tisa pumkhat hung ni tâng an tih.”

DÂN PAHNINA 10:20

LALPA in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

DÂN PAHNINA 11:22

“LALPA in Pathien chu hmangai ding le, a lampui po po hraw ding le ama chel tlat dinga ṭha- hnemngaitaka hieng thu ka pêk cheu thupêk po po hi in zâwm phawt chun,

DÂN PAHNINA 4:4

LALPA in Pathien cheltu ta- phawthai ruok chu tu chen hin damin in la um seng a.

1 SAMUEL 18:1

Chun, Saula kuoma thu a hril zo chun Jonathan hringna le David hringna chu a lo inzawm ta chie el a, chuongchun, Jonathan chun ama hringna a hmangai ang chiein a hmangai tah a.

1 SAMUEL 25:43

David chun Jezreela mi Ahinoam a lo nei ta bawk a; chuong- chun, a nuhmeia chun an um ve ve tah a.