MATTHAI 19:28 - Pathien Lekhabu Inthieng (BSI)

²⁸ Isûn an kuomah, “Titakzetin ka hril cheu hi, siemtharnaa chun, Mihriem Naupa a ropuina ṭhung- phaah a ṭhung phaleh nangni a mi zuituhai rawi hi, Israel hnam sâwm le hnam hnihai chu ngaituoin, lalṭhungpha sâwm le pahniah la ṭhung vêng in tih.

MATTHAI 19:28 ပူးပေါင်းရင်းမြစ်များ

1 LALHAI 18:31

Chun, “I hming chu Israel nîng a tih,” ti lo dawngtu Jakob nauhai hnam zât lung sâwm le pahni Elija chun a lâk a.

2 CHANCHIN SUINA 9:19

Chun, kailâwn paruka chun sîr khatah sakeibaknei sâwm le pahni an ngîr a, a sîr khingtienga khawm chun; khâwlai rama khawm hieng anga siem hi a la um ngai nawh.

EZRA 6:17

Chun, hi Pathien in inhlânnaa hin bâwngchal za khat, berâmchal za hni, berâmte za li an inhlân a; chun, suol thilinhlâna dingin Israel hnam lukipin kêlchal sâwmpahni an inhlân bawk a.

FESUOKNA 15:27

Chun, Elim an hung tlung a; chu hmuna chun tuikhur sâwmpahni le tûm thing sawmsari an um a; chuongchun, tuikhurhai vêla chun bûk an khuor tah a.

FESUOKNA 24:4

Mosie chun LALPA thuhai po po chu a ziek a, zîngkâr inhmatakin a tho a; tlâng hnuoia chun mâichâm le lungphun sâwmpahni, Israel hnam sâwmpahni aiawin a phun tah a.

FESUOKNA 28:21

Lunghai chu sawmpahni, Israel naupasalhai hming indawt ang peiin nîng an ta, hmingnamna kerhai angin Israel hnam sâwmpahni hming chu ker ning a tih.

ISAI 65:17

Ngai ta u, vân tharhai le hnuoi thar ka siem a ni hi; kha hmaa thilhai chu hriet zingin um ta naw nih a; lungrila khawm lût ta bawk naw ni.

ISAI 66:22

Vân tharhai le hnuoi thar ka la siem ding chu ka hmaa a um zing angin, in thlahai le in hming chu a um zing bawk ding a nih, LALPAIN a tih.

LEVI DÂN 24:5

“Chun, beiphit indi mi la la, chu chu bei sâwmpahnia siemin ur la, bei pakhat chu epha hmun sâwma ṭheha hmun hni peia siem ding a nih.

MATTHAI 16:27

Mihriem Naupa hi a vântir- kohai leh, a Pa ropuinaa inthuomin a hung ding a ni sih a; chu pha chun mi tin an thilthaw ang peiin thung seng a tih.

MATTHAI 19:27

Chun, Peterin a kuomah, “Ngai ta, keinin iengkim mâksanin kan zui ta cheh a; ieng am hmûng kan ta le?” a ta, ân dawn a.

MATTHAI 20:21

Chun, ama chun a kuomah, “Ieng am i dit a?” a ta. Ama chun a kuomah, “Hieng ka naupahai pahni hi i ramah i changtiengah pakhat, i vawitiengah pakhat an ṭhung theina dingin thu pe ta la,” a ta.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

MATTHAI 8:20

Isûn a kuomah, “Sihalhaiin kuo an nei a, chunglêng vatehai khawmin bu an nei a, Mihriem Naupa ruok hin chu a lu innghatna a nei nawh,” a ta.

MARKA 10:37

Anni chun a kuomah, “I ropuinaa chun i changtieng pakhat, i vawitieng pakhat mîn ṭhungtir rawh aw?” an ta.

THILTHAWHAI 3:21

Amiruokchu, iengkim siem ṭhat hun a tlung hmakhat chu vânin ama chu a la kawl hri ding a nih; chu siem ṭhat ding thu chu Pathienin leihnuoi insieng tira inthawk a zâwlnei inthieng umhai bauin a hril ta kha.

2 TIMOTHE 2:12

Ei tuor chun, Ama leh ro rêl ei tih; Ama ei inphat chun, Ama khawmin mîn phat a tih;

JOSUA 3:12

Chuongchun, Israel hnamhai laia mi hi sâwmpahni hnam tin aiah mi pakhat pei thlang suok unla,

2 PETER 3:13

Nisienlakhawm, a thutiem ang chun vân tharhai le hnuoi thar, a sûnga felna umhai chu ei beisei a nih.

THUPUONGSUO 11:16

Chuongchun, Pathien hmaa an lalṭhungphaa upa sâwmhni le pali ṭhunghai chu an bawkkhup a, Pathien chibai an bûk a.

THUPUONGSUO 12:1

Chun, thilmak ropuitak vânah a hung inlang tah a; nuhmei nisaa inthuom, a ke hnuoia thla um, arasi sâwm le pahnia siem lallukhum khum a hung um a;

THUPUONGSUO 20:4

Chun, lalṭhungphahai ka hmuh a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk loa, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.

THUPUONGSUO 21:5

Chun, lalṭhungphaa ṭhung chun, “Ngai ta, thil iengkim ka siem thar ie,” a ta. Chun, “Ziek rawh, hieng thu hi ring a umin â n dik sih a,” a ti bawk a.

THUPUONGSUO 22:2

Chun, vadung pang tuoka chun Hringna Thing, chi tum sâwm le pahnia ra, thla kipa ra, a um a; chu thing hnahai chu hnam tin sukdamna ding a nih.

THUPUONGSUO 22:5

Chun, zân um nâwk ta naw nih a; khâwnvar le nisa var ngai naw ni hai a; Lalpa Pathien chun anni a ên ding a ni sih a; chuongchun, chatuonin ro rêl an tih.

THUPUONGSUO 3:21

A hnetu taphawt chu ka lal- ṭhungphaah ka kuomah inṭhungtir ka tih; kei khawmin ka hneh a, ka pa kuomah lalṭhungphaa ka ṭhung ang khan.

THUPUONGSUO 4:4

Lalṭhungpha vêla chun lalṭhung- pha sâwmhni le pali a um a; chun lalṭhungphahaia chun upa sâwmhni le pali puon vâr sila ṭhung ka hmu a, rângkachak lallukhumhai an khum a.

THUPUONGSUO 7:4

Chun, an inchik zât chu ka lo hriet a, Israel thlahai hnam tina mi nuoi khat le sîng li le sâng li an inchik tah a nih.