MATTHAI 19:22 - Pathien Lekhabu Inthieng (BSI)

²² Tlangvâl ruok chun chuong thu chu a hrietin lungngaitakin a fe hmang tah a; sum tamtak nei a ni leiin.

MATTHAI 19:22 ပူးပေါင်းရင်းမြစ်များ

INPÂKNA HLABU 17:14

Aw LALPA, i kutin mihriem- haia inthawkin, Khawvêl mihriemhaia inthawk hin sanhim la, Anni chanvo chu hi dam sûnga an nei hi a na, An phîng chu i roin i suksippêk hlak a; Nauhai lungawi tâwk zetin an nei a, An sum hmang mahla chu an nautesenhai an thisanpêk hlak.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra loin a um hlak.

MATTHAI 14:9

Chun, lal chu a lungngai tah a; nisienlakhawm, a thutiem le a thlai- thlêng awtpuihai lei chun pêk ding thu a pêk a;

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

MATTHAI 19:21

Isûn a kuomah, “Ṭha famkima um i nuom chun, fe la, i nei chu zawr la, pasiehai kuomah pe rawh; chuongchun, vânah ro nei i tih; chun hung la, mi hung zui rawh,” a ta.

MATTHAI 19:23

Chun, Isûn a inchûktirhai kuoma chun, “Titakzetin ka hril cheu hi, mi hausa ta dingin vân rama lût chu intak tak a nih.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

MARKA 10:22

Nisienlakhawm, chuong thu lei chun a hmêl chu a hung inthim khup el a, lungzîngtakin a fe hmang tah a, sum tamtak nei mi a ni sih a.

MARKA 6:26

Chun, lal chu a lungngai ta bêk bêk el a; nisienlakhawm, ân khâm- nahai le a thlaithlêng awtpuituhai lei chun a sêl nuom nawh a.

LUKA 18:23

Ama ruok chu chuong thu chu a hrietin a lungngai bêk bêk a, a hausak bêk leiin.

JOHAN 16:20

Titakzetin, titakzetin ka hril cheu hi, nangni in mitthli tlâng a ta, ṭap rak bawk in ta, khawvêl ruok chu lâwm an tih, nangni lungngai in ta, nisienlakhawm, in lungngai chu lâwmin inchang a tih.

EPHESI 5:5

Indithmang le mi inthiengnaw le mi duâm hrim hrim chu, (mi duâm chu milim betu a nih), Krista le Pathien rama chun chan hrim an nei nawh ti in hriet hle sih a.

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni sih a.