MATTHAI 19:14 - Pathien Lekhabu Inthieng (BSI)

¹⁴ Isu ruok chun, “Naupangtêhai ka kuomah inhungtir unla, khap naw ro; vân ram chu hieng ang mi ta a ni sih a,” a ta.

MATTHAI 19:14 ပူးပေါင်းရင်းမြစ်များ

INṬANNA 21:4

Chun, Abrahamin Pathienin a kuoma thu a pêk ang khan, a naupa Isak chu ni riet a tlingin a ser a tanpêk a.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i phuong lei hin kân pâk che.

MATTHAI 18:3

“Titakzetin ka ti cheu hi, in inleta naupangte ang in hung ni naw chun, vân ramah lût naw tawp in tih.

MATTHAI 19:15

Chun, an chungah a kut ân nghat a, chutaka inthawk chu a fe tah a.

MATTHAI 5:10

“Felna leia suknawmnatna tuor hnunghai chu an hamṭha; vân ram an ta a ni sih a.

MATTHAI 5:3

“Thlaraua pasiea inhriehai chu an hamṭha; vân ram an ta a ni sih a.

MARKA 10:14

Nisienlakhawm, Isûn chu chu a hmuin a lung a ni naw bêk bêk a, an kuoma chun, “Naupangtêhai ka kuomah inhungtir unla, khap naw ro; Pathien ram chu hieng ang mihai ta a ni sih a.

MARKA 10:15

Titakzetin ka hril cheu, tû- khawm Pathien ram chu naupang- têin a lâwm anga lâwm naw phawt chu a sûngah lût naw tawp an tih,” a ta.

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

RORELTUHAI 13:7

amiruokchu, ka kuomah, ‘Ngai ta, inrai i ta, naupasal nei i tih, chuongchun, uoin le zu hrim dâwn naw la, fâk thieng lo thil hrim khawm fa dêr naw rawh, naupang chu sula a um laia inthawka a thi chenin Pathien ta dinga Nazarit mi a ni ding a ni sih a,’ a tih a,” tiin a hril a.

1 SAMUEL 1:11

Chun, thu a tiem a, “Aw sipaihai LALPA, i suoknu tlâwmzie hi i hriet tak meu a, i mi hriet zing a, i suoknu hi i mi theinghil nawh a, i suoknu hi naupasal i pêk chun a dam sûng po chu LALPA pe ve thung ka ta, a lu khawm vâw hrim hrim ni naw ni,” a ta.

1 SAMUEL 1:22

Hanna ruok chu a hang fe ve nawh a; a pasal kuoma chun, “Kei chu naute hin nêne nêk a bân hmakhat chu hang fe ve naw ning ah; chu pha ruok chun LALPA hmaha ân lang theina dingin ṭhuoi ka ta, chutaka chun um zing el tâng a tih,” a ta.

1 SAMUEL 1:24

Chun, nêne nêk ân bântir phing chun beiphit epha khat le uoin saidawiûm khat chawiin sebâwng pathum leh a hang ṭhuoi a, Silo khuoa LALPA ina chun a fepui a; naupang chu a la naupang hleh a.

1 SAMUEL 2:18

Samuel chu naupang ni sien khawm, puon zai inhmi zakawsîng hâkin LALPA hmaah rawng a bâwl a.