MATTHAI 18:25 - Pathien Lekhabu Inthieng (BSI)

²⁵ Pêk ding a nei naw leiin, a pu chun a nuhmei leh, a inei po po leh zawra thung ding thu a pêk a.

MATTHAI 18:25 ပူးပေါင်းရင်းမြစ်များ

2 LALHAI 4:1

Chun, zâwlnei naupasalhai nu- hmeihai laia nuhmei tu amani chu a khêk a, Elisa kuomah, “I siehlaw ka pasal chu a thi tah a, i siehlaw chun LALPA a ṭi hlak ti i hriet a, chuongchun, a leibatnapa a hung a, ka nauhai pahni suoka um dingin ama kuomah ṭhuoi a tum a nih,” a ta.

NEHEMIA 5:5

Ei taksa chu ei unauhai taksa ang bawk a na; ei nauhai khawm an nauhai ang bawk an ni sih a; nisienla- khawm, hi, ei naunuhmeihai, ei naupasalhai hi siehlawa um dingin suokah ei inlûttir takngiel ding a ni hi; ei naunuhmei ṭhenkhat lem chu suokah an lût ta nghe ngheh a, san ngaina hre nghâl lo me; mihaiin ei huonhai le ei grêp huonhai chu an nei ta sih a,” ti dâm an um nuol bawk a.

NEHEMIA 5:8

An kuomah, “Hnam dang kuoma zawra um ei unau Judahai chu ei thei ang angin ei intlan a; nangni hin in unauhai hi zawr in tum a ni maw? Nangni kuoma ngei hin zawr an ni ding a ni maw?” ka tih a. Chuong- chun, an to zing a, dawnna ding ieng- khawm an hriet nawh a.

FESUOKNA 21:2

Hebrai siehlaw în châwk chun, kum ruk sûng i rawngbâwl a ta; a kum sarinaa chun iengkhawm ngai loin, a thlâwnin suok el a tih.

FESUOKNA 22:3

Ama chunga chun nisa a suok ta chun, ama ta dingin thisen phuba chu um a tih. Inru chun a thung ngei ding a nih. Iengkhawm a nei naw chun ama chu iengkhat inrûk mana zawr ding a nih.

ISAI 50:1

LALPA chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

LEVI DÂN 25:39

“I unau a hung paseh a, i kuoma a hung tlulût chun, suok angin i sawr ding a ni nawh a;

MATTHAI 18:24

Chun, a hang sukfel hlim chun, mi pakhat talent sing khat bat a kuomah an hung ṭhuoi a.

LUKA 7:42

Chun, thungna an nei nawh a, a ngaidam ve veh a. Chuongchun, chuhai chun a tû lem chun am ama chu hmangai lem an ta?” a ta.