MATTHAI 18:15 - Pathien Lekhabu Inthieng (BSI)

¹⁵ “Chun, i unauin i chungah thil suksuol ta sienla, fe la, ama le nang chau hrietah a suolnaa chun kâwk rawh, i thu a ngai chun i unau chu i hne ni tâng a tih.

MATTHAI 18:15 ပူးပေါင်းရင်းမြစ်များ

INPÂKNA HLABU 141:5

Mi fel chun mi vaw raw se, lunginsietna nîng a tih; Mi kâwk raw se, lua hriek nâl ang nîng a tih. Ka luin nuom naw naw raw se, An rîtlonahai leiin ka ṭawngṭai pei ding a ni sih a.

THUVARHAI 11:30

Mi fel ra chu hringna thingkûng a na, Lungrilhai latu chu mi var a nih.

LEVI DÂN 19:17

I lungrilin i unau i theida ding a ni nawh, i tuolbâwm chu i kâwk ngei ding a nih, a suolnaa în thiengna dingin.

MATTHAI 18:14

Chuong ang bawkin, hieng mi chînhai laia pakhat bohmang khawm hi in Pa vâna mi dit zâwng a ni nawh.

MATTHAI 18:21

Chu lai chun Peter a hung a, a kuomah, “Lalpa, ka unauin vawi ieng zât am ka chungah thil suksuol sien la ka ngaidam ding? vawi sari chen ding am a nih?” a ta.

MATTHAI 18:35

Mi tinin in lungril taka in unauhai in ngaidam naw chun, ka Pa vâna mi khawmin chuong ang bawkin in chungah thaw vêng a tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:21

Suol ihnein um naw la, ṭhatnain suol chu hne lem rawh.

1 KORINTH 8:12

Unauhai chungah chuong ang thil in suksuola, an sie le ṭha hrietna a hrât naw nâklai, in inhliem hlau chun, Krista chungah thil in suksuol a nih.

2 KORINTH 7:12

Chuongchun, in kuomah ziek lang khawm a suol thawtu lei khan ka ziek nawh a, a suol tuortu lei khan ka ziek bawk nawh a, kan chunga in ṭhahnemngaizie Pathien mithmua in kuoma inhriettira a um theina dingin ka ziek lem a nih.

GALATI 6:1

Unauhai, mi suol iengkhawm a thaw laia phâwkin um sien la, nangni thlarau mihai, “Thlemna tuok ve rawi ka tih,” tia invêng ṭha pumin chuong ang mi chu thuhnuoirawl- takin tungding nâwk ro.

KOLOSSA 3:13

Tûkhawmin tu chunga khawm thupawi nei ang unla, indaw tuoin, inngaidam tuo unla, Lalpa chun a ngaidam ang tak cheu khan ngaidam ve ro.

1 THESSALONIKA 4:6

chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin–keini khawmin kan hril lâwkin kan inhriettir ta cheu ang khan.

2 THESSALONIKA 3:15

Nisienlakhawm, hmêlma ang chun ngai naw unla, unau angin kâwk lem ro. Lalpa chu in rênga kuomah um raw se.

TITA 3:10

Ringdân tum nei mi chu vawikhat vawihni kâwk hnung chun dit naw rawh;

1 PETER 3:1

Chuong ang bawkin nangni nuhmeihai, mâni pasalhai thu thuin um ro; chuongchun, anni laia tûkhawmin thu chu awi naw sien khawm, thu ni loin, an nuhmeihai chângziea hnein um thei an tih,