MATTHAI 17:6 - Pathien Lekhabu Inthieng (BSI)

⁶ Inchûktirhai chun chu chu an hrietin bawkkhupin an tluh a, an ṭi ta bêk bêk a.

MATTHAI 17:6 ပူးပေါင်းရင်းမြစ်များ

1 CHANCHIN SUINA 21:16

Chun, David chu a hung dâk suok a, LALPA vântirko hnuoi le vân kâra ngîr chu a hang hmu tah a; a kâwlhnâm phawi sain, Jerusalem tienga bân pharin a hmuh a. Chun, David le upahai chu saiip puon an sil a, an hmaia hnuoi sikin an bawk tâwl tah a.

EZEKIEL 3:23

Chun, ka tho a, phaia chun ka fe tah a, chun, ngai ta, Kebar vadung sîra ropuina ka hmu ang el khan, chutaka chun LALPA ropuina chu a ngîr a; chuongchun, bawkkhupin ka tlu tah a.

EZEKIEL 43:3

Chun, thilhmulâwk ka ihmu tah, khawpui chu sukse dinga a hung laia thilhmulâwk ka hmu ang tak, chu thil hmulâwk chu Kebar vadung panga thilhmulâwk ka hmu ang kha a nih; chuongchun, ka hmaiin hnuoi ka sik tah a.

DANIEL 8:17

Chuongchun, ka ngîrna hmun kâwla chun a hung hnai a; chun, a hung hnai chun ka ṭih a, ka bawk- khup tah a; nisienlakhawm, ka kuoma chun, “Aw mihriem naupa, thil hmulâwkhai chu hun tâwpa ding a nih ti hi hre rawh,” a ta.

LEVI DÂN 9:24

LALPA hmaa inthawk chun mei a hung suok a, pumrawhmang thilinhlân le a thâuhai chu mâichâma chun a kâng hmang tah a; chu chu mipui po poin an hmu chun an khêk dur dur a, an bawkkhup ta ṭhuop a.

MATTHAI 17:5

A la hril lai zingin ngai ta, sûm vârtakin anni a hung hlie tah a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MATTHAI 17:7

Chun, Isûn anni chu a hung them a, “Tho unla, ṭi naw ro,” a ta.

THILTHAWHAI 22:7

Chun, hnuoiah ka tluh a, ka kuomah, ‘Saula, Saula, nangin ieng- dinga i mi suknawmna am a na?’ tiin rawl ka hriet a.

THILTHAWHAI 26:14

Chun, kan rêngin hnuoiah kan tluh a, Hebrai ṭawngin, ‘Saula, Saula, iengdinga nangin i mi suknawmna am a na? Sunna hmawl khêng chu i ta dingin a na ie,’ tiin râwl ka hriet a.

2 PETER 1:18

Chun, tlâng inthienga kan um laiin chu râwl chu vâna inthawka hung suok keini ngeiin kan hriet a nih.

RORELTUHAI 13:20

Mâichâma inthawka meichawk chu vântieng ân tung lai chun LALPA vântirko chu mâichâma meichawka chun a tungin a fe tah a; Manoa le a nuhmei chun an thlîr zing a, hnuoia chun an bawkkhup dêr el tah a.

RORELTUHAI 13:22

Chun, Manoa chun, a nuhmei kuomah, “Ei thi ngei ding a nih, Pathien ei hmu tlat sih a,” a tih a.