MATTHAI 17:4 - Pathien Lekhabu Inthieng (BSI)

⁴ Chun, Peterin Isu a biek a, “Lalpa, ei ta dingin hitaka um hi a ṭha; i nuom chun hitaka hin bâwkte pathum khâwng ka ta; i ta dingin pakhat, Mosie ta dingin pakhat, Elija ta dingin pakhat,” a tih a.

MATTHAI 17:4 ပူးပေါင်းရင်းမြစ်များ

INPÂKNA HLABU 16:11

Nangin hringna lampui chu min hriettir i ta, I hmaa chun hlima sipliemna a um a; I kut changtienga chun kumkhaw lâwmna ding a um.

INPÂKNA HLABU 4:6

“Ṭhatna hrim hrim tuin am min hmutir a ti leh?” tituhai chu tamtak an um. LALPA nang ngeiin i hmêl var khan mi hang ên rawh.

ISAI 33:17

I mithai chun lal chu a mawinaa chun la hmûng a ta, ram par lientak la thlîr a tih.

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm deh aw! bu chun tlang- vâlhai chu sukhlim a ta, uoin thar chun nunghâkhai chu sukhlim a tih.

MATTHAI 17:3

Chun, ngai ta, Mosie le Elija chu ama le inbien an kuomah an ngîr a.

LUKA 9:33

Chun, anni chun Isu an mâksan ding laiin, Peterin Isu kuomah, “Inchûktirtu, ei ta dingin hitaka um zing hi a ṭha; bâwkte pathum khâwng kan tih, i ta dingin pakhat, Elija ta dingin pakhat, Mosie ta dingin pakhat,” a ta, a thu hril khawm hre loin.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

JOHAN 7:2

Chun, Judahai Bâwktê Ruoiṭhe chu a hnai tah a.

PHILIPPI 1:23

Chamlakin a ngaina hre loin ka um el a nih, fe suoka Krista kuoma um inhâwkna ka nei leiin, chu chu a ṭha lem bêk bêk sih a.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri nawh a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni sih a.

THUPUONGSUO 21:23

Chu khuo chun a ên dingin nisa a ngai nawh a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni sih a.