MATTHAI 17:2 - Pathien Lekhabu Inthieng (BSI)

² an hmaa chun a hmêl umzie chu a hung danglam tah a; a hmai nisa angin a hung var a; a silfênhai chu vûr angin a hung vâr tah a.

MATTHAI 17:2 ပူးပေါင်းရင်းမြစ်များ

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

HLAHAI HLA 6:10

Vârṭien ang ela hung dâk suok a, Thlapa ang ela hmêlṭha a, Nisa ang ela inthieng a, Puonzâr le sipai pâwl ang el a ṭium khi tu am a na?

MATTHAI 17:1

Chun, ni ruk hnung chun Isûn Peter hai, Jakob hai, a unau Johan hai a ṭhuoi a, a tumin tlâng insângtakah a hang fepui a;

MATTHAI 17:3

Chun, ngai ta, Mosie le Elija chu ama le inbien an kuomah an ngîr a.

MATTHAI 28:3

A hmêl umzie chu kâwlinlep ang a na, a silfên chu vûr angin a vâr a.

MARKA 9:3

Chuongchun, a silfênhai chu hnuoia puon sâwptu hrim hrimin an sâwp vâr thei naw ding khawp rakin a hung vâr a, a hung tle ta sur el a.

LUKA 9:29

Chun, a ṭawngṭai laiin a hmêl umzie chu a hung danglam a, a silfênhai chu a hung vâr a, mi elkhal theiin a um tah a.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

THUPUONGSUO 10:1

Chun, vântirko hrâttak dang pakhat, sûma inthuom, vâna inthawka hung ṭum ka hmuh a; a lua chun sumrisâng ân zâm a, a hmai chu nisa ang a na, a kehai chu mei ban ang a nih.

THUPUONGSUO 20:11

Chun, lalṭhungpha lientak vâr- tak le a chunga ṭhung chu ka hmuh a, a hmaa inthawk chun hnuoi le vân an tlân hmang a, an ta dingin hmun hrim a um ta nawh a.