MATTHAI 17:17 - Pathien Lekhabu Inthieng (BSI)

¹⁷ Chun, Isûn, “Ruolthar ringna nei loa kawmawhai, ieng chen am in kuomah um ka tih a, ieng chen am ngai thei ka ti cheu a? Ama chu ka kuoma hin hung ṭhuoi ro,” a ta, a dawn a.

MATTHAI 17:17 ပူးပေါင်းရင်းမြစ်များ

INPÂKNA HLABU 95:10

Kum sâwm li sûng zet chu, chu suonhai chunga chun ka lungninawh a, “An lungrila ngaisuol hmang mi an na, Ka lampuihai khawm an hriet nawh,” ka tih a.

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien LALPA chun hieng hin a tih: ‘Ka hmaa insiehnuoi ieng chen am i nuom naw ding a nih a? Ka rawng an bâwl theina dingin ka mihai chu infetir rawh.

FESUOKNA 16:28

Chun, LALPAIN Mosie kuom- ah, “Ka thupêkhai le ka dânhai chu zâwm nuom loin ieng chen am in um ding a na?

THUVARHAI 1:22

Ieng chen am nangni mi mâwlhai, mâwlna hi in hmangai ding a na? Hmusittuhai chu an hmusitnaa chun an lâwmin, Invêthai chun ieng chen am hrietna chu in theida ding a na?

THUVARHAI 6:9

Aw thabo, ieng chen am i zâl ding a na? I zâlnaa inthawkin iengtik âm i tho ding a na?

ISAI 19:14

LALPA chun Aigupta mihai laia chun kâwmâwsietna thlarau ân umtir tah; chuongchun, zu inrui chu ama luoka a pêm a pêm ang hin Aigupta mihai chu an sinthaw tinrêngah an infe kâwitir tah a.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

NAMBAR 14:11

Chuongchun, LALPAIN Mosie kuomah, “Hieng mipuihai hin ieng chen am mi ngainêp an ta, anni laia inchikna ka thaw hlak sa khawm ieng chen am mi ring loin an um ding a na? Hriin hrem ka ta, suklungzîng ka tih;

NAMBAR 14:27

“Hieng mi rilo pungkhâwmhai, ka chunga chier hlakhai hi ieng chen am dâwng ka ti aw? Israel thlahai chierna, ka chunga an chiernahai chu ka hriet deh.

MATTHAI 13:58

Chun, an ring naw leiin chutaka chun thilmak tam a thaw ta nawh a.

MATTHAI 16:8

Chun, Isûn chu chu a hriet a, “Ringna tlâwmhai, iengdinga bei in nei naw leia in inngaituo am a na?

MATTHAI 17:16

I închûktirhai kuomah ka hung ṭhuoi a, an sukdam thei si nawh a,” a ta.

MATTHAI 17:18

Chun, Isûn khawhri chu a hal a, a sûnga inthawk chun a suok tah a; chu dâr chena inthawk chu naupang chu a hung dam tah a.

MATTHAI 6:30

Chuongchun, ram hlohna, vawi- sûn anga hringa, a zînga thuka ti nâwk el ding hman Pathienin chuong ang lâwma a chei chun, aw! nangni ringna tlâwmhai, silfên a pêk lem hman hman ding cheu a ni naw am a nih?

MATTHAI 8:26

Ama chun an kuomah, “Ringna tlâwmhai, iengdinga in ṭi?” a ta. Chuongchun, a tho a, thli le dîl chu a hal a, chun, a hung re ta duok el a.

MARKA 16:14

Chun, chu hnung nâwka chun buthlêng an awt laiin sâwm le pakhat hai kuom ngeiah ân lâr nâwk a, a thonâwk hnunga a hmutuhai thu chu an awi naw leiin an awi nawna le an lungril ngar kawnga chun a kâwk tâwl a.

MARKA 9:19

Chun, ama chun an kuomah, “Ruolthar ringna nei nawhai, ieng chen am in kuomah um ka ta? Ieng chen am ngai thei ka ti cheu a? Ama chu ka kuomah hung ṭhuoi ro,” tiin a dawn a.

LUKA 24:25

Chun, ama chun an kuomah, “Mi invêthai, zâwlneihai thu hril po po awi kawnga ngawnghai!

LUKA 9:41

Chun, Isûn “Ruolthar ringna nei loa kâwmawhai, ieng chen am in kuomah um ka ta, ngaithei ka ti cheu a? I naupa chu hitaka hin hung ṭhuoi rawh,” a ta, a dawn a.

JOHAN 20:27

Chun, Thoma kuoma chun, “I kut pârin hang them la, ka kuthai en rawh; i kut hang ban la, ka nak pur rawh; ring loin um naw la, ring el rawh,” a ta.

THILTHAWHAI 13:18

Kum sâwmli lai thlalêra khan an thilthawhai chu a en thei zing a.

THILTHAWHAI 2:40

Chun, thu dang tamtakin a hrilfieh a, “Tulai ruolthar rilohaia in- thawk hin insukhim ro,” tiin ân fui a.

2 KORINTH 11:1

Kân vêt deunaa hin nangnîn in mi daw thei ka va nuom de! Anih, daw khawm in mi daw thei ngei a.

DÂN PAHNINA 32:5

Ṭha nawtakin a chungah an thaw a, a nauhai an ni ta nawh an demkaina leiin, Suon bengtlanaw le kâwmaw an nih.