MATTHAI 16:4 - Pathien Lekhabu Inthieng (BSI)

⁴ Ruolthar suol tak le uire hmang- hai chun inchikna an zawng a; nisienlakhawm, Jona inchikna chau naw chu an kuomah inchikna hrim pêk ni naw ni,” a ta, a dawn a. Chun, anni a fesan a, a fe ta dai a.

MATTHAI 16:4 ပူးပေါင်းရင်းမြစ်များ

INṬANNA 6:3

Chun, LALPA chun, “Ka thlarau chu mihriemah chêng kumkhuo naw ni; chun mihriem chu kumkhuoin thaw rawp naw nih; ama chu tisa a ni sih a; chuongchun, a dam sûng hun khawm kum za le sâwmhni ni raw se,” a tih a.

ISAI 57:3

Nisienlakhawm, nangni dawi- thiemnu naupasal, uire le nawchi- zawr thlahai, hitaka hin hung hnai ro.

HOSEA 4:17

Ephraim chun milim ân zawmpui tah a; A um umin um raw se.

HOSEA 9:12

An nauhai hung sukpuitling hai sien khawm, pasal hrim um lo dingin, Insûntir tho tho ka tih; Anih, anni ka nghatsan pha chun, An chung a va rik zuol âwm de!

JONA 1:1

Amittai naupa Jona kuomah LALPA thu a hung tlung a:

JONA 1:17

Chun, LALPA chun Jona lem dingin nga lientak a lo ruot tah a; chu nga sûnga chun Jona chu ni thum le zân thum a um a.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MATTHAI 16:5

Chun, inchûktirhai chu râlkhing tieng an tlung chun, bei an lo chawi theinghil a,

MARKA 8:12

Chun, ama chu a lungrilah nasatakin ân rûm a, “Iengdinga tulaia ruoltharhai hin inchikna an zawng am a na? Titakzetin ka hril cheu, tulai ruoltharhai kuoma hin inchikna hrim hrim pêk ni naw ni,” a ta.

MARKA 8:38

Tukhawm tulai ruolthar uire le suksuol hmanghai laia kei le ka thu inzapuihai po chu, Mihriem Naupa hin vântirko inthienghai le a Pa ropuinaa inthuoma a hung pha chun, ama chu hung inzapui ve thung a tih,” a ta

THILTHAWHAI 18:6

Paulân a puon a thin a, an kuomah, “In thina maw chu nangnîn phur ro, kei chu ka hul a nih, tuta chen chu Jentailhai lai fe tâng ka tih,” a ta.

THILTHAWHAI 2:40

Chun, thu dang tamtakin a hrilfieh a, “Tulai ruolthar rilohaia in- thawk hin insukhim ro,” tiin ân fui a.