MATTHAI 16:28 - Pathien Lekhabu Inthieng (BSI)

²⁸ Titakzetin ka hril cheu hi, hitaka ngîr a ṭhen hi, Mihriem Naupa a rama a hung an hmu hmakhat chun, thina intem tawp lo ding an um,” a tih a.

MATTHAI 16:28 ပူးပေါင်းရင်းမြစ်များ

MATTHAI 10:23

“Chuongchun, hi khuoa hin an suknawmna pha cheu, khaw dangah tlân san ro; titakzetin ka hril cheu hi, Mihriem Naupa a hung hmain Israel khuohai chu fang suok naw ti niu.

MATTHAI 16:13

Chun, Isu chu Philip Kaisari biel a hung tlung chun, a inchûktirhai kuomah, “Mihaiin Mihriem Naupa hi tu am a nih an tih a?” tiin ân dawn a.

MATTHAI 24:3

Chun, Oliv tlânga a ṭhung laiin inchûktirhai chu anni khâtin a kuomah an hung a. “Chuong chu iengtik am hung um a ta? I hung nâwkna le khawvêl tâwpna inchikna chu ieng am nîng a ta? mi hril rawh,” an ta.

MATTHAI 24:34

Titakzetin ka hril cheu hi, chuong po po chu a tlung kim hmakhat chu tulai ruoltharhai hi bo naw ni hai.

MATTHAI 24:42

Chuongchun, ngaiven ro, ieng ni am in Lalpa a hung ding in hriet si nawh a.

MATTHAI 26:64

Isûn a kuomah, “I hril ang chun ka nih; chu nawa khawm, ka hril cheu hi, hi hnung leh Mihriem Naupa hi thilthawtheina changtienga ṭhunga, vân sûm chunga hung in la hmu ding a nih,” a ta.

MATTHAI 8:20

Isûn a kuomah, “Sihalhaiin kuo an nei a, chunglêng vatehai khawmin bu an nei a, Mihriem Naupa ruok hin chu a lu innghatna a nei nawh,” a ta.

MARKA 13:26

Chu phâ le chun Mihriem Naupa hi thilthawtheina nasatak leh sûm laia hung hmûng an tih.

MARKA 8:38

Tukhawm tulai ruolthar uire le suksuol hmanghai laia kei le ka thu inzapuihai po chu, Mihriem Naupa hin vântirko inthienghai le a Pa ropuinaa inthuoma a hung pha chun, ama chu hung inzapui ve thung a tih,” a ta

MARKA 9:1

Chun, ama bawkin an kuomah, “Titakzetin ka hril cheu hi, hitaka ngîr aṭhenhai hi Pathien ram chu thilthawtheina le a hung tlung an hmu hmâkhat chu thina intem tawp naw ding an um,” a ta.

LUKA 18:8

Ka hril cheu hi, an phuba chu lapêk vak a tih. Nisienlakhawm, Mihriem Naupa hi a hung pha chun khawvêlah ringna a hung hmu ding am a nih?” a ta.

LUKA 2:26

Chun, Lalpa Krista chu a hmu hmakhat chu thi naw ni ti Thlarau Inthiengin a lo inhriettir ta hrim a.

LUKA 9:27

Indiktakin ka hril cheu hi, hitaka ngîrhai a ṭhen hi Pathien ram an hmu hmakhat chun thina intem tawp lo ding an um,” a ta.

JOHAN 21:22

Isûn a kuomah, “Ka hung nâwk chena um zing dingin dit lang lem chu, chu chu ienga i hmang ding am a na? Nangin mi zui el rawh,” a ta.

JOHAN 8:51

Titakzetin, titakzetin ka hril cheu hi, miin ka thu a zâwm chun, kumkhuoin thi ni hmêl hmu naw ni,” a ta.

JOHAN 8:52

Judahaiin a kuomah, “Khawhri zâwl i nih ti tuhin kan hriet tah. Abraham a thi tah, zâwlneihai leh, nangin, ‘Miin ka thu a zâwm chun, kumkhuoin thina intem naw nih,’ i ti sih a.

THILTHAWHAI 1:11

Chuonghai chun, “Galili rama mihai, iengdinga vân tieng nghaa in ngir am? Hi Isu in kuoma inthawka vân tienga ṭhuoia um hi, vâna a hang fe in hmu ang bawk hin ama ngei hi hung nâwk a tih,” an ta.

1 KORINTH 15:23

Nisienlakhawm, mâni hun seng peiah, keitho ning an tih: ahmasa takin Krista, tho hmathuoitu; chu hnungah, a hung phaleh Ama tahai po.

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

HEBRAIHAI 2:9

Nisienlakhawm, Isu vântirkohai nêka inhnuoia siema la um hri chu thina tuor leia ropuina le chawi- mawina inkhumtira umin ei hmu ta lem a nih; Pathien lunginsietna leia thîna chu mi tin ân tempêkna dingin.

JAKOB 5:7

Chuongchun, unauhai, Lalpa hung nâwk hmakhat chu seltakin lo um ro. Ngai ta u, lo neitu chun ruo tui tla hmasa le nuhnung chu a hmu hmakhat chu seltakin hnuoi ra hlutak chu a nghâk hlak.

2 PETER 1:16

Ei Lalpa Isu Krista thil- thawthei zie le a hung nâwkna thu chu kan inhriettir lai cheu khan, tienami vartaka ngaituo suok elhai zâwm kan ni nawh a, a ropuina hmutuhai kan ni lem in sâwnnaw.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak loin huoitakin um thei ei tih.