MATTHAI 16:16 - Pathien Lekhabu Inthieng (BSI)

¹⁶ Simon Peterin, “Krista Pathien hring Naupa chu I nih,” a ta, a dawn a.

MATTHAI 16:16 ပူးပေါင်းရင်းမြစ်များ

INPÂKNA HLABU 2:7

Thuruot chu ka hril ding a nih: LALPA chun ka kuomah, “Nang chu ka naupa i nih; Vawisûn hin ka nei che a nih.

INPÂKNA HLABU 42:2

Ka hringna hi, Pathien châkin, Pathien hring châkin a dangchâr a nih: Iengtik am Pathien hma tlung ka ta, inlang ka tih aw?

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni sih a, A ram khawm chu suksiet ni ngai naw nih a, A rorêlna chu chatuonin um zing lem a tih.

MATTHAI 1:16

Jakobin Josef Mari pasal chu a thlah a; chu Maria chun Isu Krista an ti hi a hung insieng tah a.

MATTHAI 14:33

Lawnga umhai chun, “Pathien Naupa i lo ni tak zet hi,” tiin chibai an bûk a.

MATTHAI 16:15

Ama chun an kuomah, “An leh, nangnîn tu am a nih in mi tih a?” a ta.

MATTHAI 26:63

Chun, Thiempu Laltak chun a kuomah, “Pathien hring hmingin ka vau che, Krista, Pathien Naupa chu i ni am a nih? mi hril rawh,” a ta.

MATTHAI 27:54

Chun, sipai za hotu le a kuoma Isu vênga um vehai chun, simkhaw- leihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

MATTHAI 4:3

Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.

MARKA 14:61

Ama ruok chu a to zing a, iengkhawmin a dawn nawh a. Thiempu Laltak chun a kuomah, “Krista, Inpâk tlâk Naupa chu i ni maw?” tiin ân dawn a.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 11:27

Ama chun a kuomah, “Ring e Lalpa, Krista, Pathien Naupa, khawvêla hung ding chu i ni ti ka ring ie,” a ta.

JOHAN 20:31

Nisienlakhawm, hieng hi, Isu chu, Krista, Pathien Naupa a nih ti in ringna ding le, in ring a, a hminga hringna in neina dinga ziek a nih.

JOHAN 6:57

Pa hring chun a mi tir a, Pa zâra hring ka ni ang bawkin, tûkhawm a mi fa chu keia zârin hring vêng a tih.

JOHAN 6:68

Simon Peterin a kuomah, “Lal- pa, tu kuom am fêng kan ta? Nangin chatuona hringna thu i nei annâwm;

JOHAN 6:69

Nang Pathien mi inthieng chu i nih ti kan awi tah a, hriet khawm kan hriet ie,” a ta, a dawn a.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuisuoriet hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

THILTHAWHAI 8:36

Chun, lampuia an fe malamin tui ieng amanih an tlung a; chun, mitillâk chun, “En ta, hitaka hi tui a um, baptisma changna ding iengin am a mi hluo kher leh?” a ta.

THILTHAWHAI 8:37

[Chun, Philip chun, “I lungril po poa i ring chun, i chang thei,” a ta. Ama chun, “Isu Krista chu Pathien Naupa a ni ka ring,” a ta, a dawn a].

THILTHAWHAI 9:20

Inkhâwmna inhaia chun Isu chu Pathien Naupa a nizie thu a khêkpui nghâl tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:4

inthiengna Thlarau tieng thua ruok chun mithi laia inthawka a thonâwkna chun Pathien Nau a ni zie thilthawtheina nasatakin ân hriettir a;

2 KORINTH 1:19

Pathien Naupa Isu Krista, a thu kei le Silvan le Timothein kan ihril kha, “A nih” le “A ni nawh,” a ni ve ve si nawh a; amaa chun, “A nih,” ti a um lem a nih.

2 KORINTH 3:3

Krista lekha, keini a mîn ziektir, lekhatuia ziek nilo, Pathien hring Thlaraua ziek lem, lung phêka ziek niloa, tisa lung phêka ziek lem chu in nih, ti chiengtaka inlangtir a ni sih a.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni sih a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

DÂN PAHNINA 5:26

Meia inthawka Pathien hring râwl kan hriet anga hre vea dam si taksa put hai po po lai tu am a um a?

1 THESSALONIKA 1:9

Nangni laiah ieng ang lawm- lûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

1 TIMOTHE 4:10

Chuongchun, Pathien hring chu ei awi leiin sin ei inrim a; ei thaw hrâm hrâm a nih, ama chu mi po po sandamtu a na, ama ringtuhai sandamtu a ni bîk tak a nih.

HEBRAIHAI 10:31

Pathien hring kuta tlûk chu thil râpthlâktak a nih.

HEBRAIHAI 12:22

Zion tlâng dâm, Pathien hring khuo, vân Jerusalem dâm, tiem sêng nawhai vântirko inkhâwmpui dâm,

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.

HEBRAIHAI 9:14

Krista, chatuona Thlarau hmêl- hem loa Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

1 JOHAN 4:15

Tûkhawm, “Isu hi Pathien Nau- pa a nih,” tia ṭan taphawt chu, amaa chun Pathien a um zing a, ama khawm chu Pathienah a um zing bawk a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

1 JOHAN 5:5

Isu hi Pathien Naupa a nih ti ringtu chau naw chun tuin am khawvêl a hne hlak a?

THUPUONGSUO 7:2

Chun, vântirko dang, Pathien hring inchikna chawi, nisa suoknaa hang fe ka hmu bawk a; chun, ama chun vântirko pali, khawmuol le tuisuoriet suksiet theina pêka umhai kuoma chun, rawl inringtakin,