MATTHAI 14:5 - Pathien Lekhabu Inthieng (BSI)

⁵ Chun, Johan chu sukhlum a tum leh mipui a ṭih a, zâwlneiin an ruot si leiin.

MATTHAI 14:5 ပူးပေါင်းရင်းမြစ်များ

JEREMIA 26:21

chun, lal Jehoiakim le, a mi hrâthai po po le, lalhai po poin a hril an hriet chun lal chun ama chu sukhlum a tum tah a; nisienla- khawm, Uria chun a lo hriet chun a ṭih a, a tlân a, Aigupta rama chun a fe tah a;

MATTHAI 11:9

Annawleh, ieng lei takin am in fe suok kha? Zâwlnei en dingin maw? A ni ngei kha, ka ti cheu hi, zâwlnei nêk khawma ropui lem,

MATTHAI 21:26

Chun, ‘Mihriem thu’ ei ti chun mipui chu ei ṭi sih a; mi po poin Johan chu zâwlneiin an ngai sih a,” an ta.

MATTHAI 21:32

Johan chu felna kawnga chun in kuomah a hung a, ama chu in awi si nawh a; nangni chu in hmu hnung khawmin ama chu in awi theina dingin in inlet chuong si nawh a.

LUKA 20:6

Chun, ‘Mihriem thu,’ ei ti chun, mi po poin lungin mi dêng an tih; Johan chu zâwlnei a ni an ring sih a,” an ta.

THILTHAWHAI 4:21

Chun, anni chun an vau nâwk zuol a, an insuo tah a. Mipui leiin hremna remchâng an hmu nawh; an thilthaw lei khan mi po poin Pathien an chawimawi sih a.

THILTHAWHAI 5:26

Chuongchun, hotu chu manmi- hai le chun an va feh a, vântlâng an ṭi leiin tlangtakin an hung ṭhuoi a, chuong naw chun lunga dêng an ṭih a.