MATTHAI 14:31 - Pathien Lekhabu Inthieng (BSI)

³¹ Chun, Isûn a ban nghâl tah a, ama chu a chel a, a kuomah, “Nang ringna tlâwm, iengdinga i ringhla am a na?” a ta.

MATTHAI 14:31 ပူးပေါင်းရင်းမြစ်များ

INṬANNA 22:14

Chuongchun, Abrahamin chu hmun hminga chun “Lalpain ngai- tuong a tih” ti ân bûk a; vawisûn chena “LALPA tlânga chun ngaituo nîng a tih,” an ti hlak ang hin.

INPÂKNA HLABU 138:7

Lunginzîngna laia chun lêng lang khawm nangin mi sukhar i ta, A mi dotuhai lunginsen thaw dingin nangin i kut phar i ta: I kut changtiengin mi sandam i tih,

ISAI 63:12

A bân ropuitak Mosie chang- tienga infetirtu kha khâw lai am? Kumkhaw hming insiemna dinga an hmaa tui sukṭhetu kha khâwlai am?

MATTHAI 14:30

Nisienlakhawm, thli hrâng chu a hmuin a ṭih a; chun a tlum vâng vâng a, “Lalpa, mi sandam rawh” tiin a khêk tah a.

MATTHAI 14:32

Chun, lawngah an chuong chun thli chu a ma ta el a.

MATTHAI 16:8

Chun, Isûn chu chu a hriet a, “Ringna tlâwmhai, iengdinga bei in nei naw leia in inngaituo am a na?

MATTHAI 17:20

Ama chun an kuomah, “In ring- na tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

MATTHAI 6:30

Chuongchun, ram hlohna, vawi- sûn anga hringa, a zînga thuka ti nâwk el ding hman Pathienin chuong ang lâwma a chei chun, aw! nangni ringna tlâwmhai, silfên a pêk lem hman hman ding cheu a ni naw am a nih?

MATTHAI 8:26

Ama chun an kuomah, “Ringna tlâwmhai, iengdinga in ṭi?” a ta. Chuongchun, a tho a, thli le dîl chu a hal a, chun, a hung re ta duok el a.

MARKA 1:31

chun, ama chun, a kut a va chel a, a keitho tah a. Chuongchun, a khawsik chu a bo tah a, an rawng a bâwlpêk tah a.

MARKA 1:41

Ama chun a lo lunginsiet bêk bêk a; a hei ban a, a them a, “Ka nuom ie, sukthiengin lo um ta rawh,” a ta.

MARKA 11:23

Titakzetin ka hril cheu hi, tû- khawm hi tlâng kuoma hin, ‘Insawn la, tuisuorietah dehâwnin um rawh,’ tia a lungrila ringhla loa a iti chu tlung ngei a tih ti ring taphawtin an hril ang phawt chu hmûng an tih.

MARKA 16:7

Nisienlakhawm, fe unla a închûktirhai le Peter kuoma chun, ‘Galili ramah in hmaa a fe ding a na; in kuoma a hril ang ngei khan chu chun hmûng in tih,’ tiin hril ro,” a ta.

MARKA 4:40

Chun, ama chun an kuomah, “Iengdinga chuong bêk bêka ṭi am in na? Ringna hrim in la nei naw a ni maw?” a ta.

MARKA 5:41

Chun, naupang kut chu a chel a, a kuoma chun, “Talitha kumi,” a ta. Chu chu, “Bawinu tho rawh ka ti che,” tina a nih.

LUKA 24:34

“Lalpa chu a lo thonâwk takzet a nih; Simon kuoma khawm ân lâr tah,” an lo tih a.

THILTHAWHAI 4:30

mihai sukdam dingin i kut phar bawk rawh; i siehlaw inthieng Isu hmingin inchikna le thilmakhai inthawtir bawk rawh,” an ta.

DÂN PAHNINA 32:36

LALPA chun a mihai ro a rêl ding a na, A siehlawhai khawm thawpêk a tih; An thilthawtheina inhmang a, Khuokhir le khir naw tukhawm um dêr loa a hmu pha chun.

1 TIMOTHE 2:8

Chuongchun, pasalhaiin hmun tinah kut inthieng pharin, lunginsen lo le insêl loin ṭawngṭai hai sienla ka nuom a nih.

1 PETER 1:5

Sandamna, hun nuhnunga in- lang dinga inzosa chu hmu dingin, ringna leia Pathien thilthawtheinaa vêng chu in nih.