MATTHAI 14:3 - Pathien Lekhabu Inthieng (BSI)

³ Herod chun a unaupa Philip nuhmei Herodi leiin Johan chu a man a; a khuop a, intângna inah a khum tah a na;

MATTHAI 14:3 ပူးပေါင်းရင်းမြစ်များ

MATTHAI 11:2

Chun, Johanin Krista thilthaw- hai chu intângna inah a lo hrietin a inchûktirhai ân palaitir a, a kuomah,

MATTHAI 14:6

Nisienlakhawm, Herod pieng champhaphâk ni chu a hung tlungin Herodi naunu chu a laiah a lâm a, Herod chu a suklâwm tah a.

MATTHAI 4:12

Chun, Johan an man ti Isûn a hriet phingleh Galili ramah a fe ta dai a;

MARKA 6:14

Chun, lal Herod chun a lo hriet a, a hming chu a lo inthang ta sih a, “Baptistu Johan kha mithi laia inthawkin a hung tho nâwk tah a; chuleiin, chuong thilthawtheinahai chun amaa chun sin a thaw a ni chu,” a ta.

MARKA 6:17

Herod ngei chun a unaupa Philip nuhmei Herodi leiin mi a tir suok a, Johan chu ân mantir a, intângna inah phierin a lo khum ta sih a; Herodi chu nuhmeiin a lo nei ta leiin;

MARKA 6:19

Chuleichun, Herodi chun ama chu a ngei naw rân el a, sukhlum a nuom a; nisienlakhawm, a thei si nawh a;

MARKA 6:22

Herodi naunu ngei chu a hung lût a, a lâm a, Herod le a thlaithlêng awtpuituhai chu a suklâwm tah a; chuongchun, lal chun naupangnu kuoma chun, “I dit dit mi hni rawh, pêng ka ti che,” a ta.

MARKA 8:15

Chun, ama chun, “Pharisaihai chawl le Herod chawla chun invêng ṭha unla, ṭi dêkin um ro,” a ti tlat a.

LUKA 13:1

Chun, chulaitak chun, tuhai amanih an lo um a, anni chun Galili rama mi, Pilatin an thisen an Pathien biekna sathathai laia a ipawlpêkhai chanchin Isu an hril a.

LUKA 13:31

Chuonglai tak chun Pharisai tuhai amanih an hung a, a kuomah, “Suok la, hitaka inthawkin fe hmang rawh; Herodin sukhlum che a nuom bêk bêk a nih,” an ta.

LUKA 23:11

Chun, Herod le a sipaihai chun Isu an suknawmna a, an nuisaw a; chun, puon ropuitak insiltirin Pilat kuomah a tir nâwk tah a.

LUKA 23:7

Chun, Herod biela mi a nih ti a hriet phingleh, Herod kuomah a tir tah a; chuong lai chun ama khawm Jerusalemah a um bawk a.

LUKA 3:1

Chun, Tiberia Kaisar ân lala in- thawka kum sâwmpanga kumah (Pontia Pilat chu Judai ram Bawrsâp a na, Herod chu Galili ram lal a nih, a unau Philip chu Iturea le Trakonitis ram lal a nih, Lusani chu Abilene ram lal a nih.

LUKA 8:3

Herod sum enkawltu Chuza nu- hmei Joanna hai, Susanna hai, mi dang tamtak leh an nih; chuonghai chun mâni neiin an rawng an bâwlpêk a.

THILTHAWHAI 12:1

Chun, chuong lai vêl chun Lal Herod chun kohrana mi ṭhenkhat suknawmnat tumin a kut ân let tah a.

THILTHAWHAI 4:27

“Hi khuoa hin i siehlaw in- thieng, i hriek nâl, Isu chunga khan Herod le Pontia Pilat le, Jentailhai le Israel mihai an pungkhâwm tak zet a nih;