MATTHAI 13:39 - Pathien Lekhabu Inthieng (BSI)

³⁹ Hmêlma a thetu chu diebol a na; bu sîk chu khawvêl tâwpna ding a na; bu sîktuhai chu vântirkohai an nih.

MATTHAI 13:39 ပူးပေါင်းရင်းမြစ်များ

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um tah a.

JOEL 3:13

In kâwite kei dawk unla, bu sîk a hun ta sih a: hung unla, hung sirsâwr ro; grêp sâwrna khur chu a sip a, bêlhai chu a sip liem a; an suolna a nasa sih a.

MATTHAI 12:32

Chun, tukhawm Mihriem Nau- pa sawisêl taphawt chu a sawisêlna chu ngaidam nîng a ta; tukhawm Thlarau Inthieng meu sawisêl taphawt chu a sawisêlna chu, hi dam sûnga khawm, hun la hung tlung dinga khawm chun, ngaidam ni naw nih.

MATTHAI 13:22

Chun, hlohlingnei laia the chu, thu hretu a na; nisienlakhawm, khawvêl lungkhamna le hausakna hlêmna chun thu chu a dîp a, ra loin a um hlak.

MATTHAI 13:25

nisienlakhawm, mi an in kârin a hmêlma a hung a, bu lai chun bu tehlêm a the a, a fe hmang nâwk tah a.

MATTHAI 13:28

Chun, ama chun an kuomah, ‘Chu chu hmêlmain a lo thaw a ni ta chu,’ a ta. Chun, suokhai chun a kuomah, ‘Chuong chu la khâwm el inlang rem i ti?’ an ta.

MATTHAI 13:40

Chuongchun, bu tehlêmhai chu an lâk khâwma meiah an raw ang hin khawvêl tâwpnaa chun la um a tih.

MATTHAI 13:49

Khawvêl tâwp pha chun chuong ang bawk chun la um a tih; vân- tirkohai chu hung suok an ta, mi fel laia inthawkin mi suol hai chu ṭhêng an ta,

MATTHAI 24:3

Chun, Oliv tlânga a ṭhung laiin inchûktirhai chu anni khâtin a kuomah an hung a. “Chuong chu iengtik am hung um a ta? I hung nâwkna le khawvêl tâwpna inchikna chu ieng am nîng a ta? mi hril rawh,” an ta.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

1 KORINTH 10:11

Chun, chuong chu inentirna dingin an chungah a hung tlung a ni kha; eini hun tâwp hung tlungnahai hi mi zil dingin an ziek a n i bawk a.

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si nawh a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

HEBRAIHAI 1:2

hieng ni tâwpa hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

1 PETER 5:8

Ngaiven unla, fimkhur ro; in khingpui Diebol chu sakeibaknei inrûm hlak angin a fâk thei ding zawngin ân vêl ruoi hlak a nih.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 12:9

Chun, drakon lientak, Rûlpui tar, Diebol le Setan an ti, khawvêl po po hlêmtu chu, an pei thlâk tah a; hnuoiah an pei a, a tirkohai khawm an pei thlâk sa veh a.

THUPUONGSUO 13:14

Hnuoia umhai kuomah, Sa- hrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sah a. An pahni chun kâta kâng mei dîla chun a hringin an pei a.