MATTHAI 12:45 - Pathien Lekhabu Inthieng (BSI)

⁴⁵ Chu phingleh a va feh a, ama nêka suol lem khawhri dang pasari a hung ṭhuoi a, chutaka chun an lût a, an um zing hlak a, chu mihriem um dân nuhnung lem chu a hmasa nêkin a hung ṭha naw lem hlak a nih. Chuong ang bawkin tulai ruolthar suol takhai chunga hin la um a tih,” tiin a dawn a.

MATTHAI 12:45 ပူးပေါင်းရင်းမြစ်များ

LEVI DÂN 13:20

Thiempu chun lo en a ta, vun nêka inthûka ân lang a, a hmul chu a hung vâr chun, thiempu chun in- thiengnaw a nih ti a phuong ding a nih; inphârna hri a na, khuoihlia inthawk chun a hung inṭan a nih.

MATTHAI 12:24

Nisienlakhawm, Pharisaihaiin chu chu an hriet phingleh, “Hi mipa hin khawhri lal Beelzebub lei naw chun khawhrihai hnawt dawk naw ni,” an ta.

MATTHAI 12:44

Chun, ‘Ka suokna ina khan kîr nâwk el ka tih,’ a ta; chun, a va tlung chun, a ruoka, phît faia cheiṭhatin a hmuh a.

MATTHAI 17:21

[Amiruokchu, hieng ang hi ṭawngṭai le bunghei chau naw chun a suok thei nawh]”, a ta.

MATTHAI 23:15

Nangni Dân inchûktirtu le Pharisai vervêkhai in chung a rik; Saphun pakhat khawm siem dingin tuisuoriet le khawmuol in fe huol sih a, chun, chuong anga a hung um phaleh ama chu nangni lethni rauin Hremhmun naupaah in siem hlak.

MATTHAI 23:24

Nangni ṭhuoitu mitdel, thosi thlitfaia sanghâwngsei lem si hlak- hai!

MARKA 16:9

[Chun, ni saria ni hmasatak, zîngkâra a thonâwk chun, Mari Magdalin, a sûnga inthawka khawhri pasari a hnawt suokpêk kuoma khan ân lâr hmasatak a.

MARKA 5:9

Chun, Isu chun, “I hming ieng am a na?” tîn ân dawn a. Ama chun a kuomah, “Ka hming chu Nuoia a nih, tamtak kan ni sih a,” a ta.

LUKA 11:26

Chu phingleh a feh a, ama nêka suol lem khawhri dang pasari a hung ṭhuoi a, chutaka chun an lût a, an um zing hlak a; chu mihriem umzie nuhnung chu a hmasa nêkin a hung ṭha naw lem hlak a nih,” a ta.

EPHESI 6:12

Ei ibuonhai hi tisa le thisen an ni si nawh a; inlalnahai le thuneina- hai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

HEBRAIHAI 10:39

Nisienlakhawm, eini chu bo- hmang dinga hnungtawl pâwla mi ei ni nawh a, hringna humhim dinga ringna nei pâwla mi ei ni lem.