MATTHAI 12:34 - Pathien Lekhabu Inthieng (BSI)

³⁴ Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

MATTHAI 12:34 ပူးပေါင်းရင်းမြစ်များ

INPÂKNA HLABU 53:1

Mi invêt chun a lungrilin, ““Pathien hrim a um nawh,” a ti hlak a; Tukhawm thil ṭha thaw hrim an um nawh. An se zo a, thil suol tirdakum- tak an thawh a;

INPÂKNA HLABU 64:3

Chuonghai chun kâwlhnâm angin an lei an tâtngei a, An thal, thu khahai chun an tin hlak;

INPÂKNA HLABU 64:5

Thil suol thaw ding chun an infui tuoh a, Châng, inrûka kam thua dâm an inbiek hlak a, “Tuin am chuong chu hmûng an ta?” an tih a.

THUVARHAI 16:23

Mi var lungril chun ama bau ân chûktir a; A hmûrhaia chun thiemna a belsapêk hlak.

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um sih a.

ISAI 32:6

Pathien inza nawna thil thaw ding le, LALPA hêkna dinga thu indik naw hril dingin, phîngṭâmhai phîng sûng sukruok ding leh, dangchârhai dâwn ding sukbohmang dingin, mi suol chun suol thu a hril ding a ni sih a, a lungril chun thil suksuol bawk a tih.

ISAI 59:14

Chuongchun, rorêlna chun hnungtieng a mîn nghatsan a, felna chun hlatakah a mi ngîrsan tah; thutak chu kawtthlêra chun a tlu zing sih a, indikna hlak chu a lût thei nawh a.

ISAI 59:4

Tukhawma thubuoi indiktakin an hril nawh a, tukhawma indikna leh thubuoi an hril ngai nawh; thu teplo mei mei an ring a, khêl an hril hlak a; thil suksuolna an vawn a, khawhlona an nei hlak.

ISAI 9:17

Chuleiin, LALPA chu an tlang- vâlhai chungah lâwm naw nih a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng sih a. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

MATTHAI 12:35

Mi ṭha chun a robâwm ṭhaa inthawkin thil ṭhahai a the dawk hlak, mi suol chun a robâwm siea inthawkin thil ṭha naw a the dawk hlak.

MATTHAI 15:18

Baua suokhai ruok chu lungrila hung suok a na; chuong ngei chun mihriem a sukthieng naw hlak a nih.

MATTHAI 23:33

Rûlhai, rûl thlahai, Hremhmun rorêlna chu iengtin am pumpel thei in ta?

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsen hung tlung ding hi tlânsan dingin tuin am a kâwk cheu a?

LUKA 3:7

Chun, ama chun baptisma chang dinga a kuoma mipui hung suokhai kuoma chun, “Rûl thlahai, lungsen hung tlung ding hi tlânsan dingin tuin am a kâwk cheu a?

LUKA 6:45

Mi ṭha chun a lungril ro bâwm ṭhaa inthawkin thil ṭhahai a the suok hlak; mi suol chun a lungril ro bâwm siea inthawkin thil ṭha nawhai a the suok hlak; a lungril sip liem chu a bauin a hril suok el hlak a ni sih a.

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

EPHESI 4:29

Thu ṭhanaw hrim in bauah suok naw sien la, a ṭul zie ang peia siem ṭha dingin thu ṭha suok lem raw se, a ngaituhai dingin lunginsietna a hung ni theina dingin.

EPHESI 5:4

zâmaw dâm, thu teplo dâm, fiemthu dâm khawm, chuong chu a mawi naw a nih; chuong ti nêk chun lawmthu hril lem ro.

JAKOB 3:2

Thil tamtaka chun ei rêngin ei suol hlak sih a. Tûkhawm thuhril kawnga a suol naw chun, ama chu puitling a nih, a taksa pum khawm vêng thei mi a nih.

1 JOHAN 3:10

Hitaka hin Pathien nauhai le Diebol nauhai ân hriet a nih; tû- khawm felna thaw naw chu Pathiena inthawka suok a ni nawh a, a unau hmangai naw khawm chu Pathiena inthawka suok a ni bawk nawh.

1 SAMUEL 24:13

Tienlai mihai thuvarin, ‘Mi suola inthawkin suol a hung suok hlak a,’ a tih a, nisienlakhawm, i chungah kut thlâk naw ning,