MATTHAI 11:28 - Pathien Lekhabu Inthieng (BSI)

²⁸ “Nangni sininrim le phur rik phur po pohai, ka kuomah hung unla, keiin inchâwltir ka ti cheu.

MATTHAI 11:28 ပူးပေါင်းရင်းမြစ်များ

JOB LEKHABU (THE BOOK OF JOB) 14:1

“Mi nuhmei inei taphawt chu, Ni sâwtnawtêa ding, buoinaa sip a nih.

JOB LEKHABU (THE BOOK OF JOB) 5:7

Amiruokchu, mihriem chu buoinaa hung pieng a ni lem, Meisihai chungtienga a vuong ang elin.

INPÂKNA HLABU 116:7

Aw ka hringna, i châwlnaa chun kîr nâwk rawh, LALPA chun i chungah ṭhatakin a thaw ta sih a.

INPÂKNA HLABU 32:4

A sûn a zânin i kutin a mi del sih a; Ka taksa hnâwngna khawm, ṭhâlrumin thil a sukdanglam angin, a hung danglam ta hiel kha.

INPÂKNA HLABU 38:4

Ka rîtlonahai chun ka lu hi a chîm hmang a, Phur riktak ang ka zo ruol lo hi a nih.

INPÂKNA HLABU 94:13

Mi rilo ta dinga khur choa a um hmakhat a, Lunginzîng nihaia châwlna i pêk theina dinga i închûktir chu.

THUHRILTU 1:14

Nisa hnuoia sin thawa um tahai po po chu ka hmu tah a; chun, ngai ta, thil po po chu teplo el, lungril sâwlna el a nih.

THUHRILTU 1:8

Thil po po hi inrimna el a nih; miin a hril thei nawh; A hmua hmuin mit chu a tlai ngai nawh a, A hrieta hrietin na khawm chu a sip ngai bawk nawh.

THUHRILTU 4:8

Mi pakhat naupasal amanih, unaupa amanih khawm pakhat khawm nei lo a um a; ana hlak chu, a sininrimna po po chun tâwp hrim a nei nawh a, a mithai chu hausaknaa chun a tlai ngai bawk nawh a. “Tu ta ding taka hienga mâni inhawitirna chân raka sininrim am ka ni lie?” khawm a ti ngai nawh. Hi khawm hi teplo bawk a nih; anih, tuorna natak a ni chau a nih.

ISAI 1:4

A! hnam suol, khawhlona riktak phur mihai, chithla thil ṭha naw thaw- tuhai, nau rilotaka khawsa hlakhai an nih. LALPA chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 28:12

“Hi hi a nih châwlna chu, sâwl- hai chu inchâwltir ro; hi hi a nih insukharna chu,” a tihai chu: nisien- lakhawm, an ngai nuom si nawh.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

JEREMIA 35:16

Rekab naupa Jonadab naupa- salhaiin an pain thu a pêk an thaw vei leh, hi mihai hlak hin an mi ngai si nawh a;

JEREMIA 6:16

LALPA chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

MATTHAI 23:4

Phurrik rinumtakhai an siem a, mihai an hnâwk hlak a; anni ruok chun an kutpâr khawmin an tâwk nuom nawh.

JOHAN 6:37

Pain a mi pêkhai po po ka kuomah hung vawng an tih; tûkhawm ka kuoma hung chu hnawt suok naw tawp ka tih.

JOHAN 7:37

Chun, ruoiṭhe ṭumṭiek ding ni, ni ropuitaka chun Isu a ngîr a, a khêk a, “Tûkhawm a dangchâr chun ka kuomah hung sienla, dâwn raw se.

THILTHAWHAI 15:10

Chuongchun, ei thlatuhai le eini izo ta naw, rîngkawl kha inchûktirhai chungah tuhin innghat tumin ieng- dinga Pathien var in sêlkal am a na?

THILTHAWHAI 20:35

Iengkim ka thaw taphawt ka thawhmu hlak cheu kha, chuonga sininrim pum le, Lalpa Isu thu hre zing pumin mi hrâtnawhai in ṭhang- pui ding a nih; ama ngeiin, ‘Iengkhat lâk nêkin pêkin lukhâwng a nei lem’, a ti kha,” a ta.

GALATI 5:1

Suok ni lo dingin Krista chun a mîn suoktir kha; chuongchun, ngir det unla, suok ringkawla chun intâng nâwk ta naw ro.

2 THESSALONIKA 1:7

nangni rinum tuortuhai chu, Lalpa Isu a vântirko hrâttakhai leh meichawk laia a hung inlang pha, keini le hin min châwltir le;

HEBRAIHAI 4:1

Chuleiin, ṭîng ei tiu, chuong naw chun, a châwlnaa lûtna thutiema la umin, nangni laiah tûkhawm tling naw angin lo um hlau rawi in tih.

THUPUONGSUO 22:17

Thlarau le mo chun, “Hung rawh,” an tih a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.