MARKA 9:3 - Pathien Lekhabu Inthieng (BSI)

³ Chuongchun, a silfênhai chu hnuoia puon sâwptu hrim hrimin an sâwp vâr thei naw ding khawp rakin a hung vâr a, a hung tle ta sur el a.

MARKA 9:3 ပူးပေါင်းရင်းမြစ်များ

INPÂKNA HLABU 51:7

Husopin mi sukfai la, chuong- chun, fai ka tih; Mi sâwpfai la, chuongchun, vûr nêkin vâr ka tih.

INPÂKNA HLABU 68:14

Iengkimthawtheiin chutaka chun lalhai chu a sukdar lai chu, Zalmon tlânga vûr sûr lai ang a nih.

ISAI 1:18

LALPA chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

DANIEL 7:9

Ka en zing a. Lalṭhungphahai dâwin a um a, Tienlai mi pakhat hi a hung ṭhung tah a, A silfên chu vûr angin a vâr a, A lua sam chu sahmul inthiengtak ang a nih. A lalṭhungpha chu meichawk ṭiumtak a na, A kekuolhai chu meichawklai a nih.

MATTHAI 28:3

A hmêl umzie chu kâwlinlep ang a na, a silfên chu vûr angin a vâr a.

MARKA 9:4

Chun, Elija le Mosie chu an kuomah an hung inlâr a, Isu le chun an inbiek tah a.

LUKA 9:29

Chun, a ṭawngṭai laiin a hmêl umzie chu a hung danglam a, a silfênhai chu a hung vâr a, mi elkhal theiin a um tah a.

THILTHAWHAI 10:30

Chun, Korneli chun, “Ni li a ni tah, tu phâ ang chen hin, ka inah, chawhnung inher ṭawngṭainaah ka ṭawngṭai a; chun, ngai ta, mi pakhat puon vârtak silin ka hmaah a hung ngîr a,

THUPUONGSUO 19:18

lal sa dâm, sipai hotu sa dâm, mi hrât sa dâm, sakawr sa le a chunga chuong sa dâm, mi po po– suok le suok naw, a lien a chîn khawm-an sa in fâk theina dingin,” a tih a.

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hieng hi rinum nasataka inthawka suokhai kha an nih, an puonhai Berâmte thisena sâwpin an sukvâr tah a.

THUPUONGSUO 7:9

Chu hnunga chun ka hang en a, chun, ngai ta, mipui nasatak tû- khawm itiem sêng naw, hnam tin laia mi dâm, chi tin laia mi dâm, mi tin laia mi dâm, ṭawng tin laia mi dâm puon vâr sila, tûm kâu chawiin, lalṭhungpha hma le Berâmte hmaa ngîr ka hmuh a;