MARKA 9:26 - Pathien Lekhabu Inthieng (BSI)

²⁶ Chuongchun, a khêk suok a, nasataka a sawisak zo chun a hung suok tah a, chun, naupang chu thi ang elin a um a, chuongchun, mi tam lem chun, “A thi a nih,” an tih a.

MARKA 9:26 ပူးပေါင်းရင်းမြစ်များ

FESUOKNA 5:23

Pharao kuoma i hminga thu hril dinga ka hung chinah, hi mihai chungah tlatsiet a thawh a, nangin i sansuok dêr si nawh a,” a tih a.

MATTHAI 15:22

Chun, ngai ta, chuong rama in- thawk chun Kanaan nuhmei pakhat a hung suok a, “Lalpa, David naupa, mi lunginsiet rawh, ka naunu khawhriin a man tlat a nih,” tiin a khêk a.

MARKA 1:26

Chun, khawhri inthieng naw chun ama a sawisah a, inringtakin a khêk a, a sûnga chu a hung suok tah a.

MARKA 9:18

A manna taphawtah a sukthlûk rak hlak a, chuongchun, a chil- huomhai a tlah a, a hahai a rawt a, a chêr tieu tieu a. Hnawt dawk dingin i închûktirhai ka ngên a, an thei si nawh a,” tiin ama a dawn a.

MARKA 9:20

Chun, ama chu Isu kuomah an hung ṭhuoi a; chuongchun, khawhri chun ama a hmu phingleh, naupang chu nasatakin a sawisa nghâl tah a; chuongchun, hnuoiah a tluh a, chilhuom tla reiruiin ân tleng ta tawp tawp a.

MARKA 9:25

Chun, Isûn mipui an hung tlân khâwm chu a hmuin khawhri inthieng naw chu a hal a, a kuomah, “Nang khawhri ṭawng thei naw le nasêt, thu ka pêk che hi, a sûnga kha hung suok la, lût nâwk ta naw rawh,” a ta.

MARKA 9:27

Isu ruok chun a kutah a chel a, a keitho a; chuongchun, a hung tho el tah a.

THUPUONGSUO 12:12

Chuleiin, aw vânhai le a sûnga umhai, lâwm ro! Hnuoi le tuisuoriet, in chung a rik ie! Diebol chun hun tlâwmte chau a nei ti ân hriet leiin lunginsen bêk bêka in kuoma a hung thla ta leiin,” a ti ka hriet a.