MARKA 8:33 - Pathien Lekhabu Inthieng (BSI)

³³ Ama ruok chu a ngha kîr a, a închûktirhai chu a en a, “Setan, ka hnungah fe rawh. Pathien thilhai ngaituo loin, mihriem thilhai i ngaituo a ni hi,” tîn Peter chu a kâwk tah a.

MARKA 8:33 ပူးပေါင်းရင်းမြစ်များ

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

1 JOHAN 2:15

Khawvêl hi hmangai naw unla, khawvêla thil umhai khawm hi hmangai bawk naw ro. Mi tûkhawm- in khawvêl a hmangai chun, Pa a hmangaina amaah a um nawh.

PHILIPPI 3:19

Chuonghai tâwpna chu bo- hmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.

INPÂKNA HLABU 141:5

Mi fel chun mi vaw raw se, lunginsietna nîng a tih; Mi kâwk raw se, lua hriek nâl ang nîng a tih. Ka luin nuom naw naw raw se, An rîtlonahai leiin ka ṭawngṭai pei ding a ni sih a.

1 PETER 4:1

Chuongchun, Kristain tisaa a tuor leiin nangni khawm, chuong ang lungrilin inthuom ve ro; tisaa tuor ta chun suol a bânsan ta sih a.

1 TIMOTHE 5:20

Thil suksuoltuhai chu mi po po hmaah kâwk rawh; mi dang khawma an ṭi ve theina dingin.

1 KORINTH 5:5

mi chuong ang chu a thlarau Lalpa nia chun sandamin a um theina dingin a tisa chu sukbohmang dingin Setan pe inla ka ti a nih.

LUKA 22:61

Chun, Lalpa chu a nghah a, Peter chu a en a. Peter chun Lalpain, “Vawisûn hin âr a khuong hmain vawi thum mîn phat i tih,” a kuoma a ti thu kha a hung hriet dawk nâwk tah a.

MARKA 3:34

Chun, a kâwla ṭhunghai chu a hei en vêl a, “En ta u, ka nu le ka unauhai hi!

MARKA 3:5

Chun, an lungril ngar zie chu pawitipêk bêk bêkin, lungsen puma anni a en vêl hnungin, chu mipa kuoma chun, “I kut phar rawh,” a ta. Chun, a hang phar dawk a, a kut chu a dam tah a.

MATTHAI 15:23

Ama ruok chun bau khat khawmin a dawn nawh. Chun, a inchûktirhai chun, “Ei hnungah a khêk a khêk sih a, infetir el ta la,” tiin an hung ngên a.

2 SAMUEL 19:22

Chun, David chun, “Nangni Ze- ruia naupasalhai, nangni hin in mi lo hriet pêk ding ieng am a um a? Vawi- sûn hin a mi dotuhai in ni naw am a nih? Vawisûn hin Israel mihai laia mi hrim hrim sukhlum ding am a nih? Vawisûn hi Israel mihai chunga lal ka ni hi ka hriet naw am a nih?” a ta.

LEVI DÂN 19:17

I lungrilin i unau i theida ding a ni nawh, i tuolbâwm chu i kâwk ngei ding a nih, a suolnaa în thiengna dingin.

TITA 1:13

Chu thu inhriettir chu ân dik a nih. Chuleiin, ringnaa chun an indik theina dingin natakin kâwk rawh.

LUKA 9:55

Ama ruok chu a hang nghah a, a baukhat a.

LUKA 4:8

Chun, Isûn a kuomah, “ ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta, a dawn a.

JOB LEKHABU (THE BOOK OF JOB) 2:10

Nisienlakhawm, ama chun a kuomah, “Nuhmei invêt thuhril angin thu i hril a nih. Iengdingin am Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol nawh a.

MATTHAI 16:23

Ama ruok chu a nghah a, Peter kuoma chun, “Setan, ka hnungah fe rawh, keia ta dingin tlûkna i nih; Pathien thil ngaituo loin mihriem thil i ngaituo lem a ni hi,” a ta.