MARKA 7:6 - Pathien Lekhabu Inthieng (BSI)

⁶ Ama chun an kuomah, “Isai hin nangni mi vervêkhai thu a lo hrillâwk dik zet el– ‘Hi hairawi hin an bauin an mîn pâk a, An lungril ruok chun an mi hlat sih a.

MARKA 7:6 ပူးပေါင်းရင်းမြစ်များ

ISAI 29:13

Chun, LALPA chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

JOHAN 15:24

Thil, mi dang tukhawm ithaw ngainawhai anni lai thaw naw lang chu, suol an nei naw ding bah; tu ruok hin chu annîn kei le ka Pa kan pahniin an mi hmu tah a, theida khawm an mi theida tah a nih.

JOHAN 5:42

Nangni ka hriet cheu, Pathien hmangaina in lungrilah in nei nawh ie.

THILTHAWHAI 28:25

An inngei ta nawh a, Paulain thu baukhat a hril zoin an suok tah a. A thu hril chu hi hi a nih: — “Thlarau Inthiengin zâwlnei Isai bauin in thlatuhai kuoma a hril kha ân dik ngawt el,

2 TIMOTHE 3:5

Pathien ngaisak hawina nei an ta, nisienlakhawm, a thilthawtheina chu awi naw ni hai; chuong ang chu nghatsan rawh.

TITA 1:16

“Pathien kan hriet,” tiin an ṭhang hlak a; nisienlakhawm, tirdak- um dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak sih a.