MARKA 7:21 - Pathien Lekhabu Inthieng (BSI)

²¹ Sûng tienga um mihriem lungrila inthawkhai chun, ngaituona suol dâm a hung suok hlak nghâl a; inditna dâm, inrûkna dâm, tuol- thatna dâm, uirena dâm,

MARKA 7:21 ပူးပေါင်းရင်းမြစ်များ

INṬANNA 6:5

Chun, LALPA chun hnuoia hin mihriem suolzie chu nasatak a nih ti le, a lungril ngaituonahai hrim hrim chu suol ruok a nih ti a lo hriet a.

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

JOB LEKHABU (THE BOOK OF JOB) 14:4

Tuin am thil inthieng nawa inthawkin thil inthieng la suok thei an ta? Tukhawma thei naw ni hai.

JOB LEKHABU (THE BOOK OF JOB) 25:4

Chuong a ni chun iengtin am mihriem chu Pathien hmaa chun mi dik ni thei a ta? Annawleh, nuhmei inei taphawt chu iengtin am inthieng ni thei a ta?

INPÂKNA HLABU 119:36

I thuinhriettir tienga chun ka lungril hi inthlêktir la, Duâmna tiengah ni loin.

INPÂKNA HLABU 14:1

Mi invêt chun a lungrilin, “Pathien hrim a um nawh,” a ti hlak a. An se zo a, thil ṭha thaw hrim an um nawh.

INPÂKNA HLABU 14:3

Anaw tieng an lo pêt vawng tah a, pawrchetakin an lo um ta vawng a, Tukhawm thil ṭha thaw hrim an um nawh, pakhat bêk khawm an um dêr nawh.

INPÂKNA HLABU 53:1

Mi invêt chun a lungrilin, ““Pathien hrim a um nawh,” a ti hlak a; Tukhawm thil ṭha thaw hrim an um nawh. An se zo a, thil suol tirdakum- tak an thawh a;

INPÂKNA HLABU 53:3

An kîr nâwk ta seng a, pawrchetakin an lo um ta vawng a; Tukhawm thil ṭha thaw hrim an um nawh, pakhat bêk khawm an um dêr nawh.

THUVARHAI 15:25

Mi chapo sûngkuo chu LALPA chun kar thlûng a ta, Hmeithai ramri ruok chu tungdingpêk a tih.

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um sih a.

ISAI 59:13

kan bawsiet dâm, LALPA kan inphatsan dâm, kan Pathien zui pei loa kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

ISAI 59:7

An kehai chu thil ṭha naw tieng a tlân hlak a, pawitâwklo thisen insuo dingin an inhmaw hlak; an ngaituo- hai chu khawhlona ngaituonahai a ni hlak a; râusanna le sietna chu an lampuia chun a um hlak.

JEREMIA 16:12

in thlatuhai nêk hman chun thil suol in thaw lem a, ngai ta u, mi tin el chu mâni lungril ngarna ang peia fein, keia thu chu in ngai ta nawh a;

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

EZEKIEL 38:10

“Lalpa PATHIEN chun hieng hin a ti a nih: Chu ni chun chuong chu hung tlung a ta, thilhai chu i lungrila chun hung lût a ta, ngairuotna rilo ngairuot i ta,

MATTHAI 15:19

Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak sih a.

MATTHAI 9:4

Isûn an ngaituohai chu a lo hriet a, “Iengdinga in lungrila suol in ngaituo am a na?

MARKA 7:20

Chun, ama bâwkin, “Mihriem phîng sûnga inthawka hung suok chun, chu tak chun mihriem a sukthieng naw hlak a nih.

MARKA 7:22

inhnarna dâm, suolna dâm, hlêmna dâm, hurna dâm, îtsîkna dâm, hrilsietna dâm, chapona dâm le invêtna dâm hi;

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet sih a; mihriem laia an ichawimawi chu Pathien mithmua chun tirdakumtak a nih.

THILTHAWHAI 5:4

A um sûng po khan i ta a ni zing a ni naw am a nih? I zawr hnung khawm khan a man chu i thu thua um a ni naw am a nih? Iengdinga hieng thu hi i lungrila i ngaituo am a na? Mihriem hlêm i ni nawh a, Pathien kuoma khêl hril i ni lem,” a ta.

THILTHAWHAI 8:22

Chuleiin, i suol hi sim la, Lalpa kuomah ṭawngṭai rawh, chuongchun, i lungrila i ngaituo hi a ngaidam che rawi mawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:5

Tisaa ei um lai khan Dân leia nuom zâwng suol hung suokhai chun ei taksa pêngahai thina khawpa ra dingin sin a hung thaw hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:8

Nisienlakhawm, suolin thupêk lei chun remchâng lai hmuin, inhnarna tinrêng ka sûngah ân umtir a. Dân naw chun suolna chu a thi a nih.

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni sih a.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

JAKOB 2:4

in lungrilin thlier bîk neia ngai- tuona suol puta sawisêltu chu in ni naw ding am a nih?