MARKA 7:15 - Pathien Lekhabu Inthieng (BSI)

¹⁵ Mihriem puotienga inthawka a phîng sûnga lût ama sukthieng naw thei iengkhawm a um nawh, mihriem phîng sûnga inthawka hung suokhai chu mihriem sukthieng nawtu an ni lem a nih,” a ta.

MARKA 7:15 ပူးပေါင်းရင်းမြစ်များ

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um sih a.

MATTHAI 12:34

Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

MATTHAI 15:16

Ama chun, “Tu chen hin nangni khawm hrietna nei loin in la um rawp maw?

MARKA 7:14

Chun, mipui chu a ko nâwk a, an kuomah, “In rêngin ka thu hi lo ngâi seng unla, a ngâi lo thiem ta u;

MARKA 7:16

[Tukhawm hrietna dinga na nei chun hre raw se.]

THILTHAWHAI 10:28

An kuomah, “Juda mîn hnam dang kuoma fe le pâwl a thieng nawzie nangnîn in hriet a nih; nisienlakhawm, tukhawm thiengnaw le inthiengnaw ka ti ding an nawh ti Pathienin a mîn hriettir a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si nawh a; felna dâm, inremna dâm, Thlarau Inthienga lâwmna dâm a ni lem ie.

1 KORINTH 10:25

Sa dâwra an zawr taphawt chu sie le ṭha hrietna leia iengkhawm indawn loin fa el ro;

TITA 1:15

Mi inthienghai ta ding chun ieng- kim ân thieng hlak; nisienlakhawm, mi inthieng naw le ring nawhai ta ding chun iengkhawm ân thieng hrim a um ngai nawh, an lungril le an sie le ṭha hrietna hrim khawm ân thieng ta nawh.

HEBRAIHAI 13:9

Inchûktirna tinrêng le inchûk- tirna maktak lên hmangin um naw ro; lungril hi lunginsietnaa sukdet chu a ṭha sih a, fâk dinghaia sukdeta um loin, chuong ang kawng lungkhamhai chun chuonga chun ṭhathnemna an hmu chuong nawh.

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, tisa tieng dânhai chau siem ṭhat hun hmaa dinga ruot chu a nih.