MARKA 6:6 - Pathien Lekhabu Inthieng (BSI)

⁶ An awi nawna chu mak a ti hle a. Chun, inchûktir pum peiin khuohai chu a fang vêl a.

MARKA 6:6 ပူးပေါင်းရင်းမြစ်များ

ISAI 59:16

Chun, mi hrim hrim an um nawh ti a hriet a, hnipêktu hrim hrim an um nawh ti a hriet a, hnipêktu hrim hrim an um naw chu mak a tih a; chuleiin, ama bân ngei chun san- damna ân siempêk a, ama felna ngei chun ama le ama ân chelngîr tah a.

JEREMIA 2:11

Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

MATTHAI 4:23

Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng suk- damin Galili ram po po a fang pei a.

MATTHAI 8:10

Isûn chuong thu chu a hrietin mak a ti hleh a, ama zuituhai kuoma chun, “Titakzetin ka hril cheu, Israel- hai lai khawm hieng ang lâwma ringna nasa hi ka hmu nawh.

MATTHAI 9:35

Chun, Isûn an inkhâwmna in- haia inchûktirin, Ram Chanchin Ṭha chu hrilin, damnawna tinrêng le, nat- na tinrênghai sukdamin khaw lien le khaw chînhai po po a fang pei a.

MARKA 1:39

Chuongchun, thu hrila, khaw- hrihai khawm hnawt suok peiin Galili ram po poa an inkhâwmna inahai chun a lût pei a.

MARKA 10:1

Chun, a tho a, chutaka inthawk chu Judai ram le Jordan râlah a fe tah a; chun, mi- puihai chu a kuomah an hung inkhâwm nâwk a, chuongchun, a thaw dân ta ang rawpin a lo inchûktir nâwk a.

LUKA 13:22

Chun, ama chun inchûktir pei puma, Jerusalem tieng panin, khaw lien le khaw chînhai a sir pei a.

LUKA 4:31

Chun, Galili rama khuo pakhat, Kapernauma chun an zu feh a, Châwlni chun mihai ân chûktir a;

LUKA 4:44

Chuongchun, Judai rama in- khâwmna inahai thu a hril a.

JOHAN 9:30

Chun, ama chun an kuomah, “Chu chu a nih a makna chu, khâwlaia inthawka hung suok am a ni in hriet nawh a, ka mit a sukvar tlat si hi.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.