MARKA 4:38 - Pathien Lekhabu Inthieng (BSI)

³⁸ Chun, ama chu lukham chu khamin lawng mei tieng chun a lo in a; chun, an keitho a, a kuoma chun, “Inchûktirtu, kan bohmang hi pawi i ti nâwm a nih?” an ta.

MARKA 4:38 ပူးပေါင်းရင်းမြစ်များ

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnem- ngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

ISAI 64:12

Aw LALPA, chuong thilahai chun în sûm thei ding am a nih? I to zingin i mi sukrimsi nasa zing ding am a nih?

ṬAP HLA 3:8

Anih, ka khêk a, ṭhangpuina ka ngên pha leh, ka hnina chu a lo dangkîr a.

MATTHAI 22:16

Chun, an inchûktirhai, Herod pâwla mihai leh an tir a; chuonghai chun, “Inchûktirtu, mi indiktak i na, titakzetin Pathien thu kawng în chûktir hlak a, pawisak bîk tukhawm i nei nawh ti kan hriet a; tukhawm thlierbîk i nei si nawh a.

MATTHAI 8:25

A kuomah an hung a, an keitho a, “Lalpa, mi sanhim rawh, kan bohmang ding annâwm hi,” an ta.

MARKA 4:37

Chun, thlipui nasatak a hung hrâng a, tuifâwnhai dâm chu lawnga chun a hung insawk lût hlawp hlawp a; chuongchun, lawng chu a hung sip vâng vâng el tah a.

MARKA 4:39

Chun, ama chu a hung har a, thli chu a hal a, dîl kuoma khawm chun, “To la, um ṭawk ṭawk rawh,” a ta. Chun, thli chu a ma a, a hung re ta ṭhup el a.

LUKA 8:24

Chun, a kuomah an va feh a, an keitho a, “Inchûktirtu, Inchûktirtu, kan bohmang ding a ni hi teh,” an ta. Chun, ama chu a hung har a, thli le tuifâwn chu a hal tah a; chun, a mah a, a re tah a.

JOHAN 4:6

Jakob tuisunsuo khawm kha chutaka chun a um. Chuongchun, Isu chu a fe sâwl leiin tuisunsuo sîra chun a ṭhung chawt a; sûn bufâk pha a nih.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiem- pu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 4:15

Thiempu Laltak ei hrât nawzie inhrietnahai mi hrietpui phâk naw nei ei ni si nawh a. Eini anga kawng tinrênga thlêmna tuok tah, suol ruok chu suol naw nei ei ni lem.

1 PETER 5:7

amain a ngaisak hlak cheu leiin in lunginzîngna po po ama chungah innghat vawng ro.