MARKA 3:5 - Pathien Lekhabu Inthieng (BSI)

⁵ Chun, an lungril ngar zie chu pawitipêk bêk bêkin, lungsen puma anni a en vêl hnungin, chu mipa kuoma chun, “I kut phar rawh,” a ta. Chun, a hang phar dawk a, a kut chu a dam tah a.

MARKA 3:5 ပူးပေါင်းရင်းမြစ်များ

INṬANNA 6:6

Chuongchun, hnuoia hin mi- hriem a lo siem ta lei chun LALPA chu ân sîr a, lungril natnain a hmang pha tah a.

1 LALHAI 13:6

Chun, lal chun a dawn a, Pathien mi kuoma chun, “Ka kut hi a hung dam nâwk theina dingin LALPA i Pathien ngên la, mi ṭawngṭaipêk ta khai,” a ta. Chun, Pathien mi chun LALPA kuoma chun a ngên a; chun, lal kut chu a hung dam nâwk tah a, a hma ang bawkin a hung um nâwk tah a.

NEHEMIA 13:8

A mi suklungninaw êm êm el a; chuleiin, Tobia in sûng thuomhnaw po po, chu pindana inthawk chun ka the suok vawng a.

INPÂKNA HLABU 95:10

Kum sâwm li sûng zet chu, chu suonhai chunga chun ka lungninawh a, “An lungrila ngaisuol hmang mi an na, Ka lampuihai khawm an hriet nawh,” ka tih a.

MATTHAI 12:13

Chu phingleh, chu mipa kuoma chun, “I kut phar rawh,” a ta. Chuongchun, a phar a, a khing tieng angin a dam ta var a.

MARKA 3:4

Chun, an kuoma chun, “Châwlni hin sukṭhat am a thieng, suksiet? sandam am a thieng sukhlum?” tiin ân dawn a. Nisienlakhawm, an to zing a.

LUKA 13:15

Lalpa ruok chun a kuomah, “Nangni vervêkhai, Châwlniin mâni sebâwng amanih, sabengtung ama- nih a bu fâknaa inthawka sûtin, tui dâwn dingin in ṭhuoi dawk seng hlak a ni naw am a nih?

LUKA 17:14

Chun, ama chun anni chu a hang hmu chun, “Thiempuhai kuomah vân entir ro,” a ta. Chun, an fe lai chun an hung inthieng tâwl tah a.

LUKA 6:10

Chun, an rêng chun a en vêl a, a kuomah, “I kut phar rawh,” a ta. Chun, a phar a, a kut chu a dam tah a.

JOHAN 9:7

chun, a kuomah, “Siloam dîlah va sâwp rawh,” a ta. (Siloam chu, “Tir,” tina a nih.) Chun, a va feh a, a sâwp a, mit varin a hung tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si nawh a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

2 KORINTH 3:14

An lungril ruok chu sukngarin a um ta lem a; vawisûn chen khawm hin thuthlung hlui chu an tiemin inkhumna pângngai chu hlîm loin a um zing sih a; chu inkhumna chu Kristaa chun sukboin a um tah a.

EPHESI 4:18

hrietnawna anniah a um, chu hrietnawna lei chun Pathien hring- naa inthawka ṭhea hung umin, an hrietnaa chun an hung inthim a nih; an lungril a ngawng leiin,

EPHESI 4:26

Lunginsen unla khawm a suol ruok chu suol naw ro; in lungsen chu nisain tlâkpui naw raw se:

EPHESI 4:30

Chun, Pathien Thlarau In- thieng chu suklungngai naw ro, in- tlanna nia dingin amaa chun inchika in um kha.

HEBRAIHAI 3:10

Chuongchun, chu thlâhai chunga chun ka lungni nawh a, ‘An lungrilin an ngai suol rawp hlak a, Ka lampuihai khawm an hriet nawh,’ ka tih a,

HEBRAIHAI 3:17

Chun, tuhai chung âm a na kum sâwmli sûng a lungni naw kha? Suksuoltu, an ruong thlalêra tlu tahai chunga khan a ni naw am a nih?

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni tah a,

THUPUONGSUO 6:16

Tlânghai le lungpuihai kuoma chun, “Mi del unla, lalṭhungphaa ṭhung hmêla inthawk le, Berâmte lunginsennaa inthawk hin mi hlie ro;

RORELTUHAI 10:16

Chuongchun, anni laia hnam dang pathienhai chu an sie hmang vawng a, LALPA rawng chu an bâwl tah a; chun, Israelhai lunginzîngna lei chun a lungril a lungngai ta bêk bêk el a.

1 SAMUEL 20:34

Chun, Jonathan chu dawkâna inthawk chun lunginsentakin a tho a, chu thla ni hni ni chun thlaithlêng a awt ve ta nawh a, a pa chun David a sukmuolpho êm lei chun a lung- ngaipui a nih.