MARKA 2:12 - Pathien Lekhabu Inthieng (BSI)

¹² Chuongchun, ama chu a tho a, a puonpha chu a lâk a, an rênga mithmu ngei chun a suok tah a; chuongchun, an rêngin mak an ti hle a, “Hieng ang hrim hrim hi ei la hmu ngai nawh,” tîn Pathien an inpâk tah a.

MARKA 2:12 ပူးပေါင်းရင်းမြစ်များ

MATTHAI 12:23

Chun, mipuihai po po chun mak an ti hle a, “Hi mipa hi David naupa chu a ni naw am a nih?” an ta.

MATTHAI 15:31

Chuongchun, mipui chun, ṭawngtheinawhai chu hung ṭawng a, piengsuolhai chu hung ṭhah a, kebaihai chu kea lâwn a, mitdelhai chu hmu theia an hmuin, mak an ti hle a; chuongchun, Israelhai Pathien chu an inpâk tah a.

MATTHAI 9:33

Chun, khawhri chu a hnawt dawk phingleh ṭawng thei naw chu a hung ṭawng tah a. Mipuihai chun mak an ti hleh a, “Israelhai lai khawm hieng ang hi hmu a ni ngai nawh,” an ta.

MATTHAI 9:8

Chun, mipuihai chun chu chu an hmuin an ṭi a, mihriemhai kuoma chuong ang thuneina petu Pathien chu an inpâk a.

MARKA 1:27

Chun, an rêngin mak an ti ta bêk bêk a, chuongchun, “Ahi ieng am a ni ta leh, inchûktirna thar a ni hi tên! Khawhri inthieng naw khawm thuneitakin thu a pêk a, a thu an awi pei el hi,” tiin an insêl a.

MARKA 2:11

“Tho la, i puonpha la la, i inah fe ta rawh, ka ti che,” a ta.

LUKA 13:13

Chun, a chungah a kut ân nghat a; chuongchun, kârloin a ngîr tlûn nghâl tah a, Pathien ân pâk tah a.

LUKA 17:15

Chun, anni laia pakhat chun a dam tah ti ân hriet phingleh, râwl inringtaka Pathien inpâk pei pumin a kîr nâwk tah a;

LUKA 5:26

Chun, an rêngin mak an ti hleh a, Pathien an inpâk a, “Vawisûn chu thil maktak ei hmu a nih,” an tih a, an ṭi bêk bêk a.

LUKA 7:16

Chun, mi po poin an ṭih a, Pathien an inpâk a, “Eini lai zâwlnei ropuitak a hung um ta a ni hi,” an ta. “Pathienin a mihai a hung sîr tah a nih,” an ti bawk a.

JOHAN 7:31

Mipui a ṭhen tamtak ruok chun ama chu an ring a, “Krista chu a hung tlung pha khawm, hi mipa thaw nêka tam thilmak a hung thaw ding am a nih?” an ta.

JOHAN 9:32

Khawvêl insieng tira inthawk tukhawmin mitdel saa pieng mit an sukvar nâwk ti an hriet ngai nawh.

THILTHAWHAI 4:21

Chun, anni chun an vau nâwk zuol a, an insuo tah a. Mipui leiin hremna remchâng an hmu nawh; an thilthaw lei khan mi po poin Pathien an chawimawi sih a.