MARKA 16:10 - Pathien Lekhabu Inthieng (BSI)

¹⁰ Chun, ama chu Isu umpui hlakhai kuomah a va feh a, mithi ngaia an ṭaplai chu a hril tah a.

MARKA 16:10 ပူးပေါင်းရင်းမြစ်များ

MATTHAI 19:22

Tlangvâl ruok chun chuong thu chu a hrietin lungngaitakin a fe hmang tah a; sum tamtak nei a ni leiin.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thil- thawtheina le ropuina nasatak leh vân sûm chunga hung hmûng an tih.

MATTHAI 9:15

Isûn an kuomah, “Mo ṭhuoi- tuhai kuoma a pasal ding chu a um sûng phawt chun mo ṭhuoituhaiin an sûn thei am a nih? Nisienlakhawm, a pasal ding chu an kuoma inthawka ṭhuoi hmang nihai la tlung a ta, chu pha ruok chun la nghei an tih.

MARKA 14:72

Chun, âr khuong vawi hnina chu a khuong nghâl tah a; chun, Peter chun Isûn a kuoma, “Âr vawi hni a khuong hmain nangin vawi thum mîn phat i tih,” a ti thu kha a hung hriet suok tah a. Chuongchun, chu thu chu a ngaituoin a ṭap tah a.

LUKA 24:17

Chun, an kuomah, “Fe malama in thu hril kha ieng am a na?” a ta. Chun, nguitakin an ngîr tah a.

JOHAN 16:6

Hieng thu hi in kuomah ka hril leiin in lungril chu lungngaiin a sip ṭeu lem tah a.

JOHAN 20:18

Mari Magdalin chu a va feh a, închûktirhai kuomah, “Lalpa chu kan hmu tah,” a ta, a kuoma thu a hrilziehai khawm chu a hril a.