MARKA 14:72 - Pathien Lekhabu Inthieng (BSI)

⁷² Chun, âr khuong vawi hnina chu a khuong nghâl tah a; chun, Peter chun Isûn a kuoma, “Âr vawi hni a khuong hmain nangin vawi thum mîn phat i tih,” a ti thu kha a hung hriet suok tah a. Chuongchun, chu thu chu a ngaituoin a ṭap tah a.

MARKA 14:72 ပူးပေါင်းရင်းမြစ်များ

2 SAMUEL 24:10

Chun, mihriem an hang tiem zo chun David lungril chu a na ta hle el a. David chun LALPA kuomah, “Ka thilthawa hin nasatakin ka lo suol tah a nih; nisienlakhawm, tuhin aw LALPA, i siehlaw rîtlona hi sie hmang dingin ka ngên che, invêttakin ka lo thaw tah a nih,” a ta.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa PATHIEN chun a tih,” tiin.

EZEKIEL 36:31

Chun, in lampui rilohai le, in thilthaw ṭha nawhai chu hre zing in ta; chuongchun, in tirdakumnahai le in suolnahai leiin in mithmu ngeia chun nangni le nangni chu inten in tih.

EZEKIEL 7:16

Nisienlakhawm, chutaka lo suokthleng chu suokthleng an ta, vaṭhu angin tlângahai chun um an ta, an rêng el chun sûn an tih, mi tinin mâni suolna seng chu.

MATTHAI 26:34

Isûn a kuomah, “Titakzetin ka hril che, vawizân hin âr a khuong hmain, nangin vawithum mîn phat i tih,” a ta.

MARKA 14:30

Nisienlakhawm, Isûn a kuom- ah, “Titakzetin ka hril che, vawisûn, vawizân le le hin âr vawi hni a khuong hmâin nangin vawi thum mîn phat i tih,” a ta.

MARKA 14:68

Ama ruok chun, “I thu hril chu ka hriet naw tawp el, a ngaina hrim hrim khawm ka hriet naw tawp el,” tîn ân phah a. Chun, tuolkawt bula chun a va suok a, chuongchun, âr a khuong tah a.

MARKA 14:71

Ama ruok chun, “Chu mihriem in hril chu ka hriet naw tawp,” tiin ṭawngsie inphurin ân khâm a.

LUKA 22:60

Chun, Peterin, “Mihriem, i thu hril chu ka hriet nawh,” a ta. Chun, kârloin, a ṭawng laitak chun âr a khuong nghâl tah a.

LUKA 22:62

Chun, a suok a, a ṭap ta ngawi ngawi a.

2 KORINTH 7:10

Pathien dit zâwng anga lung- ngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.