MARKA 14:11 - Pathien Lekhabu Inthieng (BSI)

¹¹ Chun, anni chun an hriet phingleh an lâwm hle a, a kuoma tangka pêk an tiem a, chuongchun, a înmantir dingzie remchâng a zawng tah a.

MARKA 14:11 ပူးပေါင်းရင်းမြစ်များ

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêl- mapa?” a ta. Chun, ama chun a dawn a, “Ka hmu ta che a ni hi, LALPA mithmua thil ṭha naw thaw dingin inzawr ta che chu.

2 LALHAI 5:26

Chun, ama chun a kuomah, “A be ding chea a tawlailîra inthawka mi hung ṭum lai khan ka lungril chu i kuomah a fe ve pei a ni naw am a nih? Tangka dâm, silfên dâm, oliv huon dâm, grêp huon dâm, berâm dâm, sebâwng dâm, suokpa le suoknu dâm hi lâk a hun am a nih?

HOSEA 7:3

An rîtlona chun laltak an suklâwm a; An thu khêlin mi lienhai an suklâwm bawk a.

MATTHAI 26:14

Chu hnunga chun sâwm le pahni laia mi pakhat, Juda Iskariot an ti chu, thiempu lalhai kuomah a fe a,

MATTHAI 26:15

“Ama chu inmantir ka ti cheu a ieng am mi pêng in ta?” a ta. Chun, tangka sâwmthum an bûkpêk tah a.

MARKA 14:10

Chun, Juda Iskariot, sâwm le pahni laia mi pakhat khan, Isu chu an kuoma ân mantir theina dingin thiempu lalhai kuomah a va feh a.

MARKA 14:12

Chun, Chawlṭhanglo bei Ruoi- ṭhe ni hmasatak Fekan Ruoiṭhena berâmte an thatna hlak nia chun a închûktirhaiin a kuomah, “Fekân Ruoi bu i fâk theina dingin khâwlai am va siem inlang i nuom a?” an ta.

LUKA 22:3

Chun, sâwm le pahnihai laia ṭhang, Juda Iskariot an iti sûnga chun Setan a lût a.

1 TIMOTHE 6:10

Tangka sum ngainat hi suol tinrêng bul a ni sih a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.